ЯСИА хаартыската
Байанай сэргэтэ диэн баарын билэҕит дуо? Хаһан эмэ истибиккит дуо?
Байанай сэргэтэ диэн былыр ыраах бултуу барааччы туруорар сэргэтэ диэн суруллар. Маннык сэргэ Уус Алдан улууһугар II Суотту нэһилиэгин сиригэр Сэһэн Ардьакыап олорон ааспыт былыргы өтөҕүн омоонуттан көстүбүт.
Сэһэн Ардьакыап Дьиэрэ диэн алааска, илин баһыгар — Ойбон Күөлүгэр олорбута. Ити өтөхтөрүгэр кини араас суолталаах, тус-туһунан кэпсээннэрдээх сэргэлэри туруортаабыта үһү. Олортон биирдэстэрэ Байанай сэргэтэ буолар.
Былыр бултуу баралларыгар Байанай сэргэтигэр уот оттон, ас-үөл биэрэн, көрдөһөн бараллар эбит. Улаханнык бултуйан кэллэхтэринэ, ити сэргэлэригэр бэлэх биэрэллэрэ үһү.
Байанайдар ааттара:
Баай Байанай — хара тыа иччитэ.
Эрбэх Бэргэн — кырынаас байанайа.
Куралай Чүүччү — куобах байанайа.
Бэкин Бэргэн — тииҥ байанайа.
Сун Хаан — тайах байанайа.
Буор Буһарга Баатыр — эһэ байанайа.
Саар Таҥалай Оҕо — саһыл байанайа.
Саха ыалын халандаарыттан,
«Айар» кинигэ кыһата, 2025 с.
Сэргэлэр тустарынан өссө манна ааҕыахха сөп: https://sakha-sire.ru/sergeni-sergeemmin/,
https://sakha-sire.ru/ergerbit-emegirbit-tutuular-dylgalara/
Дьокуускайга эр киһини өлөрүүгэ буруйданар 30 саастаах дьахтар холуобунай дьыалата суукка ыытылынна. Силиэстийэ барылынан, быһылаан…
«Сахафильм» хампаанньаҕа саҥа салаа – продюсерскай отдел аһыллыаҕа. Национальнай киинэ хампаанньатын салайааччыта Алексей Егоров Саха…
Эдьигээҥҥэ олимпийскай чөмпүйүөн Роман Дмитриев кэриэһигэр үөрэнээччилэр ортолоругар мас тардыһыыга күрэх түмүктэннэ. Күрэхтэһиигэ 60-тан тахса…
Айсен Николаев уонна Степан Саргыдаев оробуочай мунньахтарыгар Чурапчы улууһун социальнай-экэнэмиичэскэй сайдыытын боппуруостарын дьүүллэстилэр. Степан Саргыдаев…
Бу сыл олунньу 2 күнүттэн ИТ-исписэлиистэр «Госуслуги» портаалга 2026 сылга аармыйаттан босхолонууга сайабылыанньа биэриэхтэрин сөп.…
Олунньу 3 күнүгэр биир дойдулаахпыт, СӨ үтүөлээх артыыската, дьоҥҥо-сэргэҕэ тыйаатыр уонна киинэ артыыһын быһыытынан киэҥник…