Байыаннай дьайыы бэтэрээнэ  Дьокуускайга үөрэнээччилэргэ репетитор  киинин арыйар

Байыаннай дьайыы кыттыылааҕа, Дьокуускай куорат 26 №-дээх оскуолатын история учууталынан үлэлээбит Айаал Мохначевскай балаҕан ыйыгар үөрэнээччилэргэ репетитор киинин арыйаары сылдьар. Бырайыак  “Аҕа дойдуну көмүскээччилэр” эрэгийиэннээҕи пуонда өйөбүлүнэн “Мин биисинэһим” киин тэрийбит “СВОе дело | 14” үөрэтэр бырагыраама кыайыылааҕынан буолла.

Куонкуруска Айаал Мохначевскай оскуола орто уона үөһээ кылаастарын оҕолоругар репетитор өҥөтүн оҥорор киини арыйыыга идиэйэтин кэпсээбитэ. Эспиэртэр бырайыагы кэскиллээх диэн сыаналаан, бэйэ дьыалатын арыйыыга 200 тыһ. солк. граны биэрбиттэр.

“Үөрэх – инники олоххо сайдыы күлүүһэ. Байыаннай дьайыыга кыттыбыт педагог уонна гражданин быһыытынан уопутум үөрэнээччилэргэ матырыйаалы билиини таһынан киһи быһыытынан сайдалларыгар көмөлөһүөҕэ”, — диэтэ кини.

Киин быйыл балаҕан ыйыгар аһыллыаҕа.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата.