Саха сирин доруобуйа харыстабылын “122” сулууспата 300 тыһыынча кэриҥэ көрдөһүүнү ылла

2023 сыл саҕаланыаҕыттан доруобуйа харыстабылын “суһал лииньийэ” оператордарыгар “122” нүөмэринэн 275820 эрийдилэр. Саха сирин Доруобуйа харыстабылыгар министиэристибэтэ чопчулуурунан, үгүстүк бырааһы дьиэҕэ ыҥыраллар, бырааска киирэргэ суруйтараллар, эминэн, диспансеризация, медосмотр, быһыыны ылыы, хамсык саҥа көрүҥэр сыһыаннаах  ыйытыыларынан төлөпүөннээбиттэр.

“Биһиги сулууспабытыгар эрийбит киһиэхэ чопчу хоруйу биэриэххэ наада. Суһаллык үлэлииргэ уонна оператордарга көмөлөһөр туһуттан саҥа иһитиннэрэр технология – дьиэҕэ бырааһы ыҥырыыга “голосовой ассистент” үлээҕ киирдэ. Бу нөҥүө 52673 көрдөһүүнү тутттулар. Быйыл саҥарар ассистент “Запись на прием к врачу (педиатру/терапевту” диэн сценарийынан эбии үлэлиир уонна хайы-үйэ 32245 киһи эрийдэ”, — диэн бу салаа салайааччыта Анна Кириллина иһитиннэрдэ.

Сайаапкалары ылыы хаачыстыбатын тупсарыыга тиһиктээхтик үлэлииллэр. Холобура, нэһилиэнньэ наадыйыытынан олох соторутааҕыта ыспыраапканы ылыыга нарколог уонна психиатр быраастарга суруйтарыы өҥөтө олохтонно.

Ааспыт нэдиэлэттэн Биир кэлим сулууспа колл-киинэ Дьокуускайдааҕы идэтийбит стоматология киинин көмөтүнэн туһанарга суруйтарбыт дьоҥҥо төттөрү эрийэн тиийэр буолла.

Саха сирин Доруобуйаҕа харыстабылын министиэристибэтэ “122” нүөмэргэ эрийэн доруобуйаҕа сыһыаннаах боппуруостарынан эрийэргитигэр сүбэлиир.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата