Байыаннай дьайыы бэтэрээнэ ОДьКХ эйгэтигэр үлэни баһылыыр

Анал байыаннай дьайыы кыттыылааҕа уонна «Саха сирэ – Дьоруойдар дойдулара» эрэгийиэннээҕи каадыр бырагырааматын кыттыылааҕа Тит Захаров Олох-дьаһах уонна энергетика министиэристибэтигэр стажировкатын ааһар.

Стажировка анал байыаннай дьайыы бэтэрээннэрин олоххо төннөрүүгэ уонна өрөспүүбүлүкэ сайдыытыгар, салайыы сүрүн эйгэтигэр кинилэри идэнэн хааччыйыы кэлим үлэтин чэрчитинэн ыытыллар.

Стажировкатын кэмигэр кини «Сахафильтр» хампаанньа үлэтин кытта билистэ. Бу хампаанньа ууну ыраастыыр систиэмэлэри оҥорууга уонна туруорууга идэтийэр. Хампаанньа инники күөҥҥэ сылдьар технологиялары киллэрэр. Тэрилтэ бэрэстэбиитэллэрэ оҥорор тэриллэрэ хайдах үлэлиирин, ууну ыраастыыр түһүмэхтэр уонна батарыыны кэҥэтии былааннарын сиһилии кэпсээтилэр.

Стажировка кэмигэр модульнай ууну ыраастыыр ыстаансыйалары тутуу былаһааккатыгар үлэни практическай өттүнэн үөрэтиигэ ураты болҕомто уурулунна. Тит Захаров билигин оборудованиены туруоруу үлэлэрэ бара турар эбийиэктэригэр сырытта. Маннык ыстаансыйалар тыйыс тымныылаах Саха сиригэр ураты суолталаахтар.

Сиһилии бу сигэнэн киирэн аах: https://www.sakha.gov.ru/news/8367