Саха сирин психологтарын пуорумугар бу хайысхаҕа аналлаах стратегическай сессия ыытылынна.
«Мэйии штурмугар байыаннай дьайыы кыттыылаахтарыгар көмө оҥоруутугар кыттар бары биэдэмистибэлэртэн элбэх ахсааннаах исписэлиис, ону тэҥэ Саха сирин араас тэрилтэлэригэр үлэлиир бэтэрээннэр бэйэлэрэ кытыннылар. Сессия түмүгүнэн хас даҕаны этии киирдэ. Инникитин бу этиилэри үлэҕэ киллэриигэ уонна үгүстүк үөскүүр түгэннэргэ холоон көрүүгэ үлэ барыаҕа. Исписэлиистэр сорох структураларга көмөнү ылыы бырассыаһа бюрократияламмытын бэлиэтииллэр», – диэн сэтинньи 28 күнүгэр ыытыллыбыт брифиҥҥэ Дьокуускайдааҕы өрөспүүбүлүкэтээҕи психологическай киин дириэктэрэ Владимир Скрябин кэпсээтэ.
Тэрилтэ дириэктэрэ бэлиэтээбитинэн, психологтар пуорумугар сокуон ирдэбилигэр да, байыаннай сулууспалаахтар уонна кинилэр дьиэ кэргэттэрин наадыйыыларыгар да сөп түбэһэр быһаарыылары көрдөөбүттэр. Пуорумҥа бары үөскүүр уустуктары бииргэ быһаарарга сорук туруоруммуттар. «Ол кэмҥэ, ааспыт нэдиэлэ устата өрөспүүбүлүкэҕэ, ону тэҥэ Ростов-на-Дону куоракка госпиталь хайысхатынан байыаннай дьайыы 330-тан тахса кыттыылааҕа уонна кинилэр дьиэ кэргэттэрэ хабылыннылар, 360 тус-туһунан уонна бөлөҕүнэн психологическай үлэ, ол иһигэр хос консультациялар уонна дьарыктар ыытылыннылар», – диэн дириэктэр иһитиннэрдэ.
Көмөнү уонна өйөбүлү 8 (4112) 31-91-09 (үлэ чааһыгар) нүөмэргэ эрийэн суруттаран ылыахха сөп. Улуустардааҕы Киин филиалларын контактарын бу нүөмэринэн билсиэххэ сөп. Ону таһынан, суукканы быһа үлэлиир итэҕэл төлөпүөнэ баар: 8-800-100-35-50 эбэтэр 122, онтон 6 уонна 2. Байыаннай дьайыы кыттыылаахтарыгар, кинилэр дьиэ кэргэттэригэр, ону тэҥэ атын кризиснэй хайысхаларга тэрилтэ өҥөтө босхо оҥоһуллар. Бу хайысха СӨ Ил Дархана Айсен Николаев сорудаҕынан, СӨ Бырабыыталыстыбатын Бэрэссэдээтэлин солбуйааччыта Ольга Балабкина тус хонтуруолунан ыытыллар.
Силиэстийэттэн эбэтэр сууттан саһар дьону көрдөөһүҥҥэ көмөлөһөр дьаһаллар чэрчитинэн, Дьокуускай куораттааҕы сууттар үлэлэрин олохтоммут бэрээдэгин…
Куйаар ситимэ киириэҕиттэн бэйэтэ да түргэтээбит, ааһа баран уустугурбут олохпут тэтимигэр аны оҥоһуу өй олорсо…
Киһи уутун тоҕо хамматый? Төһө да эрдэ ороҥҥун булан баран, сарсыарда уустуктук уһуктар буоллаххына, эн…
Сибээс билиҥҥи олоххо тыын суолталаах буолан турар. Ол нөҥүө уотунан хааччыллыы, тиэхиньиичэскэй эбийиэктэр, тырааныспар, уустук…
Орто Халыма улууһун Сыбаатай сэлиэнньэтин 54 саастаах олохтооҕо ойоҕун саанан ытан өлөрбүтүн иһин сууттанна. Киһи…
Саха сирин юристарын үбүлүөйдээх V сийиэһэ ахсынньы 1 күнүттэн 3 күнүгэр диэри өрөспүүбүлүкэ бары муннугуттан…