Хаартыска: «Якутскэнергосбыт» хампаанньа пресс-сулууспата
Саха сирин юристарын үбүлүөйдээх V сийиэһэ ахсынньы 1 күнүттэн 3 күнүгэр диэри өрөспүүбүлүкэ бары муннугуттан 500-тэн тахса дэлэгээти, ол иһигэр судьуйалары, борокуруордары, албакааттары, нотариустары, судаарыстыбаннай уонна муниципальнай салаалар исписэлиистэрин уонна быраап учуонайдарын түмүөҕэ.
Сийиэс үлэтин сүрүн тиэмэтинэн Саха сиригэр үрдүк юридическэй үөрэҕи олохтообут Михаил Михайлович Федоров юридическай билимҥэ киллэрбит кылаатын ырытыы буолуоҕа. Быйыл кини 105 сааһа туолар.
Өрөспүүбүлүкэ юристарын сийиэһин бырагырааматыгар пленарнай мунньахтар, быраап араас боппуруостарыгар аналлаах тиэмэлээх сиэксийэлэр уонна төгүрүк остуоллар былааннаннылар. Пуорум кыттыылаахтара муниципальнай реформаны, юриспруденцияҕа Оҕоһуу өйү туһаныыны, урбаанньыттар бырааптарын көмүскээһини уонна Арктика сирдэрин-уоттарын сайыннарыыны дьүүллэһиэхтэрэ.
Сийиэс чэрчитинэн аан бастаан албакааттар өрөспүүбүлүкэ киин куоратын олохтоохторугар босхо юридическай консультация күнүн ыытыахтара. Албакааттар дьону бу сыл ахсынньы 1 күнүгэр, Аммосов уулусса 18-с нүөмэригэр баар «Мин докумуоннарым» офиһыгар, күнүс 14:00 чаастан киэһэ 18:00 чааска диэри консультациялыахтара, диэн Саха сирин юристарын сийиэһин тэрийээччилэрэ иһитиннэрдилэр.
Өрөспүүбүлүкэ юристарын V сийиэһэ юридическай уопсастыбаны түмэргэ уонна өрөспүүбүлүкэ быраабын систиэмэтин сайдыытыгар саҥа хайысхалары быһаарарга аналлаах. Пуорум бырагырааматын сигэнэн киирэн көрүөххэ сөп.
Санатан эттэххэ, өрөспүүбүлүкэ юристарын I сийиэһэ 2013 сыл ахсынньы 3 күнүгэр буолбута. Сийиэскэ нэһилиэнньэҕэ босхо юридическай көмөнү оҥоруу, кини быраапка култууратын уонна үөрэҕин үрдэтии, ону тэҥэ судаарыстыбаннай уонна муниципальнай сулууспалаахтар быраабы өйдөөһүннэрин үрдэтии боппуруостарыгар аналлаах дакылааттар уонна этиилэр дьүүллэһиллибиттэрэ. Ону таһынан, киэҥник иһитиннэрэр-биллэрэр эйгэ нөҥүө дьон быраапка сырдатыытын кыһалҕалара көрүллүбүттэрэ. Саха сирин юристарын I сийиэһин өрөсөлүүссүйэтигэр эдэр юристар тыа сиригэр үлэлии баралларын өйүүр, нуормалыыр быраап аахтарын бырайыактарын уопсастыбаннай эспэртииһэтин институтун өйүүр дьаһаллар комплексын олоххо киллэрэр этиилэр киирбиттэрэ.
Бүгүн, алтынньы 29 күнүгэр, өрөспүүбүлүкэ сорох улуустарынан хаардыыр. Соҕуруу уонна хотугулуу-илин өттүгэр сөҥүүтэ суох буолуоҕа.…
Майа сэлиэнньэтин муниципалитета "Майа Сайына» — Лето Майи: как жители села своими руками изменили территорию…
Кэлэр сылга үбүлүөйдээх Олоҥхо ыһыаҕа Ленскэй оройуонугар ыытыллыаҕа. Сүрүн тэрээһиннэр от ыйын 3–4 күннэригэр буолуохтара,…
Арассыыйа Бэрэсидьиэнэ Владимир Путин куораттары сайыннарыыга уонна тупсарыыга аналлаах мунньах түмүгүнэн дьаһаллары бигэргэттэ. Бу дьаһаллар…
РФ Дьоруойа Александр Находкин Дьокуускай куорат устудьуоннарын уонна оскуола үөрэнээччилэрин кытта патриотическай көрсүһүүлэрин саҕалаата. Бастакы…
Алтынньы 24 күнүн киэһэтиттэн саҕалаан сэтинньи 13 күнүгэр диэри куйаарга Ретрограднай Меркурий кэмэ. Астрологтар сэрэтэллэр:…