Хаартыска: https://www.sakha.gov.ru
“Аҕа дойдуну көмүскээччи” судаарыстыбыннай пуонда Саха сиринээҕи филиалыгар араас кыһалҕалары быһаараллар. Ол курдук, сүппүт докумуону сөргүтүүттэн саҕалаан үлэнэн хааччыллыыга тиийэ.
Холобур, соторутааҕыта байыннай дьайыыттан кэлбит бойобуой дьайыы бэтэрээнэ Ф. Сергейгэ үлэ буларыгар көмөлөстүлэр. Кини хантараага бүтэн, дьиэтигэр кэлэн үлэ көрдөөн саҕалаабыт. Пуонда социальнай координатора “Колмар” чох хостуур хампаанньа үлэһиттэрин кытта байыаннайга саҥа идэни баһылыырыгар уонна үлэҕэ киирэригэр көмөлөспүттэр. Сергей кэтэхтэн үөрэнэн, бырамыысыланнаска үлэлиир идэни баһылаабыт уонна баахтанан үлэҕэ анаммыт.
“Сөптөөх стажировканы аастым, быраактыкабын“туйгун” сыанаҕа туттардым. Соторутааҕыта уопсай дьиэҕэ киирдим, “Колмар” тэрилтэҕэ үлэбин саҕалаатым. Барыларыгар махтал, олус түргэнник көмөлөстүлэр”, — диэн этэр Сергей Ф.
“Аҕа дойдуну көмүскээччи” судаарыстыбыннай пуонда Саха сиринээҕи филиала 2023 сыл бэс ыйын 1 күнүттэн үлэлиир. Ил Дархан Айсен Николаев этэринэн, филиал тэриллиэҕиттэн үлэтэ көдьүүстээҕэ көстүбүт. Филиал Ойуунускай уулуссатын 411 аадырыска баар. Социальнай координатордары таһынан юристар, психологтар, МФЦ үлэһиттэрэ уо.д.а. исписэлиистэр үлэлииллэр.
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…
Байанай ыйа саҕаланар биир күнүгэр Клара Андреевна уонна Никандр Прокопьевич Тимофеевтарга улуу олоҥхону дьоһуннаан олорон…
РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан…