Байыаннай дьайыы кыттыылааҕа тириэньэр буолла

Байыаннай дьайыы кыттыылааҕа Петр Парников  Мэҥэ Хаҥалас улууһун Хара нэһилиэгин успуорт оскуолатыгар тириэньэринэн үлэҕэ киирдэ. Кини «Земский тренер» федеральнай бырагыраама куонкуруһугар кыайыылааҕынан тахсыбыта.

Петр Нам улууһуттан төрүттээх. Намнааҕы 2-c №-дээх орто оскуоланы бүтэрбитэ. Олимпийскай резервэ училищетын уонна М.К Аммосов аатынан ХИФУ физкультурнай институтун бүтэрбитэ, Көҥүл тустууга Арассыыйа успуордун маастара.

Кини кыра сааһыттан тустуунан дьарыктаммыт. Бастакы тириэньэрэ — Владимир Копырин. Салгыы Вадим Семеновка, Артур Константиновка дьарыктаммыт. Бүтүн Арассыыйатааҕы турнирдар кыайыылаахтара, призердара буолар. Университеты бүтэрэн баран дойдутугар Намҥа үлэлии сылдьан, Сэбилэниилээх күүстэр кэккэлэригэр сулууспалаабыт. Курскай уобаласка кыраныыссаҕа сулууспалаабыт.

Петр Петрович Парников дойду уонна өрөспүүбүлүкэ салалтатыгар «Земский тренер» бырагыраама киирбитинэн махтанна.