Хаартыска СӨ Бырабыыталыстыбатын пресс-сулууспатыттан
Анал байыаннай дьайыы кыттыылаахтарын оҕолоро уонна кинилэри арыаллыыр дьиэ кэргэн чилиэннэрэ өрөспүүбүлүкэтээҕи уонна улуустардааҕы Доруобуйаны чөлүгэр түһэрэр кииннэргэ доруобуйаларын чэбдигирдэллэр.
«Кииҥҥэ байыаннай дьайыы кыттыылаахтарын дьиэ кэргэттэрин 312 чилиэнэ, ол иһигэр 121 улахан киһи уонна 191 оҕо доруобуйатын чөлүгэр түһэрдэ», — диэн бүгүн брифиҥҥэ Доруобуйаларыгар хааччахтаах кырачааннар уонна обургу оҕолор доруобуйаларын чөлүгэр түһэрэр өрөспүүбүлүкэтээҕи киин дириэктэрэ Зинаида Максимова иһитиннэрдэ.
Кини иһитиннэрбитинэн, оҕолор кииҥҥэ киирэллэригэр бастаан кэлим диагностиканы ааһаллар, ол түмүгүнэн хас биирдии оҕоҕо анал эмтэнии хайысхата оҥоһуллар. Оҕолор физкультура, физиотерапия, илбийии көмөтүнэн чэбдигириини ааһаллар. Кинилэри кытта кииҥҥэ дефектологтар уонна логопедтар дьарыктаналлар, оҕолор оонньуу терапиятын, театротерапияны, артерапияны ааһаллар.
Оттон улахан дьоҥҥо үксүн психологическай үлэ барар. Ону тэҥэ кинилэргэ анал бырагыраама оҥоһуллан турар, онно физиотерапия, аппараатынан илбийии, отунан эмтэнии уонна уоскутар чэйдэри иһэрдии киирэр.
Доруобуйаны чөлүгэр түһэрэр бырагыраамаҕа кыттарга анал байыаннай дьайыы кыттыылаахтарын дьиэ кэргэттэрэ олорор сирдэринэн социальнай көмүскэл уорганнарыгар тиийиэхтэрин наада. Хас биирдии улууска анаан кубуота көрүллэр, онон социальнай харалта исписэлиистэрэ ыыталлар.
Ону тэҥэ уустук балаһыанньаҕа түбэспит анал байыаннай дьайыы кыттыылааҕын дьиэ кэргэттэрин чилиэннэрэ улуустарыгар баар Кырачааннар уонна обургу оҕолор доруобуйаларын чөлүгэр түһэрэр кииннэргэ киириэхтэрин сөп.
Үөһээ Бүлүү улууһун Баҕадьа сэлиэнньэтигэр оскуола-саад үлэҕэ киирдэ. Бүгүн өрөспүүбүлүкэ үрдүнэн тоҕус социальнай эбийиэк аһылынна.…
Үрдүк үөрэхтэргэ уонна кэллиэстэргэ Биир кэлим эксээмэни туттарбакка үөрэххэ киирии туһунан сокуон барылын дьокутааттар бөлөхтөрө…
Амма улууһун Михайловка сэлиэнньэтигэр Норуот айымньытын дьиэтэ үөрүүлээх быһыыга-майгыга аһылынна. Бүгүн өрөспүүбүлүкэ үрдүнэн тоҕус социальнай…
Ленскэй оройуонунааҕы ИДьМ дьуһуурунай чааһыгар маркетплейс бэрэстэбиитэлиттэн сайабылыанньа киирбит. Инвентаризация кэмигэр табаары биэрэр пуунтан 300…
Оҕуруоту, сибэккини олордууга сүбэлэр Сүрүннээн тохсунньуттан үүнээйини олордуу саҕаланар. Арктикатааҕы судаарыстыбаннай агротехнологическай университет ойуур комплексыгар…
Дьокуускайдааҕы ИДьМ салаатыгар дьахтар балыыһаҕа сылдьан тас таҥаһын уордарбытын туһунан иһитиннэрбит. Бу туһунан СӨ ИДьМ…