Ааптар хаартыскаҕа түһэриитэ
Бүгүҥҥүттэн, олунньу 28 күнүттэн, Чурапчыга Саха Өрөспүүбүлүкэтин Бырабыыталыстыбатын нэһилиэнньэҕэ отчуота саҕаланна.
Тыа хаһаайыстыбатын миниистирэ Александр Атласов салайааччылаах бөлөх байыаннай дьайыыга сылдьар дьон дьиэ кэргэттэрин кытары көрүстэ.
Билиҥҥи буола турар быһыыны-майгыны, өрөспүүбүлүкэ салалтатын өттүттэн байыаннай сулууспалаахтарга уонна кинилэр дьиэ кэргэттэригэр оҥоһуллар көмөлөр тустарынан билиһиннэрдилэр. Чурапчы улууһуттан соторутааҕыта байыаннай дьайыы буола турар сиригэр тиийэ сылдьыбыт дэлэгээссийэ салайааччыта Егор Сивцев иһитиннэрии оҥордо. Элбэх ыйытыылар киирэн эппиэттэннилэр.
Тыл этиитигэр мобилизация соһуччу, бэлэмэ суох ыытыллан кэргэттэрин, оҕолорун, аймахтарын эмискэ хомуйаннар улаханнык аймаммыттарын биллэрдилэр. Сорохтор билиҥҥэ диэри ханна бааллара биллибэтин, ыыппыт баһыылкалара тиийэ илигин, элбэхтэ ыйыталаһалларын, ирдэһэллэрин эттилэр. Сорох салайааччылар, балыыһа үлэһиттэрэ итиннэ тоҥуйдук сыһыаннаһалларыттан хомойоллорун биллэрдилэр. Инникитин байыаннай-врачевнай хамыыһыйа чуолкайдык, чиэһинэйдик үлэлииригэр, өрөспүүбүлүкэҕэ байыаннай тииптээх госпиталь, эмтиир тэрилтэ баар буоларыгар туруорустулар. Уоппускаҕа эбэтэр сулууспалаан бүтэн кэлээччилэргэ тустаах болҕомтону уурарга, реаблитациялааһыны ыытарга, көмө кэмигэр тиийиитин хонтуруоллаһарга санааларын үллэһиннилэр.
Улуус баһылыга Степан Саргыдаев Чурачыттан байыаннай эпэрээссийэҕэ сылдьааччыларга хас биирдиилэригэр болҕомто уурулларын, кинилэргэ тус бэйэлэригэр, дьиэ кэргэттэригэр көмө оҥоһулларын эттэ. Бу көрсүһүүгэ этиллибити учуоттуохпут, уолаттарбыт этэҥҥэ эргиллэн кэлэллэригэр бары бииргэ үлэлэһиэҕиҥ диэтэ. Сир ийэ үрдүгэр эйэлээх олох кэлэригэр баҕарда.
Алексей Слепцов,
Чурапчы.
Халыма-Индигиир улуустарын уокуругуттан үгүс спортсмен араас көрүҥнэргэ ситиһиилэрдээхтэр. Ол курдук, бу күннэргэ Муоматтан төрүттээх бөҕөс…
Бу сирдэргэ хаһан баҕарар сылдьыахха сөп, ол эрээри кутаа уотун оттор көҥүллэммэт. Дьокуускайга Кангаласс түөлбэтигэр…
Өрөспүүбүлүкэ күнүгэр Дьааҥы оройуонун бочуоттаах олохтооҕо, СӨ тыатын хаһаайыстыбатын бочуоттаах бэтэрээнэ Христина Чукрова өрөгөйдөөх 80…
Ыам ыйын бырааһынньыктарыгар Амур уобалаһыгар Саха сириттэн федеральнай Авиалесоохрана 50-тан тахса парашютиһын уонна десантнигын ыытыахтара. …
Бу күннэргэ Горнай улууһун Бэрдьигэстээх сэлиэнньэтин түөлбэлэрэ төрүт оҕунан ытыыга күрэхтэстилэр. Тэрээһин туһунан Бэрдьигэстээхтэн ыччат…
СӨ Үлэҕэ уонна социальнай сайдыыга миниистирэ Елена Волкова Өрөспүүбүлүкэ күнүгэр «Үйэ саас» бочуоттаах бэлиэни Федора…