Байыаннай дьайыыга сылдьар дьон оҕолоругар тустаах өйөбүл оҥоһуллар

Үөрэх министиэристибэтэ байыаннай дьайыыга сылдьар дьон оҕолоругар өйөбүлү биэс хайысханан ыытар.

Бу туһунан үөрэх миниистирин бастакы солбуйааччы Михаил Присяжнай иһитиннэрдэ:

— Байыаннай дьайыыга кытта сылдьар дьон оҕолоругар Ил Дархан Айсен Николаев ыйааҕын олоххо киллэрии чэрчитинэн уопсайа 5800 араас социальнай өйөбүл араас көрүҥэ  көрүлүннэ.  Ол иһигэр 130 ыччат үрдүк уонна орто анал үөрэх кыһаларыгар үөрэнэрин хааччыйдыбыт. 442 устудьуоҥҥа үрдүк истипиэндьийэ төлөнөр.