Хаартыска: Нэһилиэнньэ дьарыктаах буолуутун киинэ
Ил Дархан Айсен Николаев сорудаҕынан байыаннай эпэрээссийэ кыттыылаахтарын уонна кинилэр аймахтарын үлэҕэ ыларга уонна идэҕэ үөрэтэргэ үлэ салҕанар.
Байыаннай эпэрээссийэ кыттыылаахтарыттан 74 киһи нэһилиэнньэ дьарыктаах буолуутун сулууспатыгар кэлэн үлэ ыйыталаспытыттан 27-тэ үлэ булла. Ол туһунан СӨ Нэһилиэнньэ дьарыктаах буолуутун киинин салайааччы Роза Олесова брифинг кэмигэр иһитиннэрдэ.
Роза Олесова: «Биһигини социальнай бииргэ үлэлэһээччилэрбитин кытары үлэлиибит. Холобур, Үөһээ Халыма улууһугар урбаанньыт М.С.Винокуров байыаннай эпэрээссийэ кыттыылааҕын оробуочайынан үлэҕэ ылла. Бүлүү улууһугар «Эльга» фабрикаҕа тиэхиньикэни хааччыйар уонна өрөмүөннүүр слесарынан, Кэбээйи улууһун Дьиэ-уот, коммунальнай хаһаайыстыбатыгар погрузчик суоппарынан, Ленскэйдээҕи технология техникумугар оҥорон таһаарар учаастак маастарынан үлэҕэ ылылыннылар. Уус Маайа уонна Чурапчы улуустарыгар байыаннай эпэрээссийэ кыттыылаахтара социальнай хантараакка регистрацияланнылар», -– диэн кэпсээтэ.
Байыаннай эпэрээссийэ 32 кыттыылааҕа Аллайыаха, Амма, Үөһээ Бүлүү, Үөһээ Дьааҥы, Горнай, Эдьигээн, Кэбээйи, Нам, Нерюнгри, Өлүөхүмэ, Өлөөн, Таатта, Уус Маайа, Хаҥалас, Чурапчы улуустарыгар уонна Дьокуускай куоракка идэҕэ үөрэнэн эрэр. Онтон байыаннай эпэрээссийэ кыттыылаахтарын дьиэ кэргэттэриттэн 163 киһи үлэ көрдөөбүтүттэн 101 киһи үлэлэннэ.
(СӨ Нэһилиэнньэ дьарыктаах буолуутун киинин матырыйаалынан)
Саҥа дьыллааҕы бырааһынньыктар түмүктэнэн, симэммит харыйалары хомуйар кэм чугаһаата. Астрологтар маннык күннэргэ харыйаны хомуйары сүбэлииллэр:…
Судаарыстыбаннай Дуумаҕа дьиэ кэргэҥҥэ үһүс уонна онтон кэлэр оҕолор төрөөтөхтөрүнэ дьиэ кэргэн ипотекатын ыстаапкатын намтатар…
Бэрэсидьиэн академиятын эспиэрэ Татьяна Подольская быйыл уоппускаҕа барарга саамай барыстаах ыйдары эттэ. Кини иһитиннэрбитинэн, биэс…
Ороһуоспа бырааһынньыгар остуолга ууруллар ас-үөл дойду эрэгийиэннэринэн араастаһыан сөп эрээри, бырааһынньыгы көрсө үгүс хаһаайкалар маннык…
Ааспыт сылга Дьокуускай куорат Гагарин уокуругар ханна да суох улахан уонна аныгы тутуулаах СМАРТ-поликлиника үлэҕэ…
РФ уопсай үөрэхтээһинин бочуоттаах үлэһитэ, “СӨ үтүөлээх учуутала” бочуоттаах аат хаһаайына, Дьокуускай куорат 26‑с нүөмэрдээх…