Хаартыска: СИА
Ыам ыйын 2 күнүгэр СӨ бырабыыталыстыбатын бэрэссэдээтэлин солбуйааччы Георгий Степанов Саха сиригэр байыаннай эпэрээссийэ кыттыылаахтарыгар уонна кинилэр дьиэ кэргэттэригэр 22 тыһыынча араас көмө оҥоһуллубутун туһунан брифиҥҥэ иһитиннэрдэ.
«Мэдиссиинискэй уонна социальнай реабилитация өҥөтүнэн 181 байыаннай сулууспалаах уонна кинилэр дьиэ кэргэттэрин 229 чилиэнэ туһанна, дьиэ кэргэттэр 86 чилиэннэрэ байыаннай сулууспалаахтар эмтэнэр сирдэригэр баралларыгар үбүнэн көмөнү ыллылар. 28 ыал олорор дьиэтигэр гаас ситимин киллэрэргэ көмө оҥоһулунна. Санатан эттэххэ, дохуоттарга ирдэбил суох. Байыаннай эпэрээссийэ кыттыылаахтарын 1 224 дьиэ кэргэнэ олорор дьиэ уонна коммунальнай өҥөлөр иһин төлөбүрү, элбэх кыбартыыралаах дьиэлэргэ олохтоох өрөмүөҥҥэ төлөбүрү кэмигэр эбэтэр ситэри төлөөбөтөхтөрүн иһин пеня ааҕыллыытыттан босхолонно», -– диэтэ Георгий Степанов.
Вице-премьер бэлиэтээбитинэн, Ил Дархан Айсен Николаев Ыйааҕынан, байыаннай эпэрээссийэ кыттыылаахтарын өйүүр дьаһаллар туспа испииһэктэрэ олохтоммута.
Уопсай үөрэхтээһин бары оскуолаларыгар 5-11 кылаастар үөрэнээччилэригэр босхо аһылык тэриллэр. 6,5-18 саастаах оҕолор чэбдигирдэр лааҕырдарга баралларыгар босхо путевка бэриллэр.
Байыаннай эпэрээссийэ кыттыылаахтарын оҕолоро өрөспүүбүлүэ бүддьүөтүн суотугар үрдүк уонна орто үөрэх кыһаларыгар тус сыаллаах үөрэххэ дуогабардары түһэрсиэхтэрин сөп. Төрөпппүттэрэ байыаннай эпэрээссийэҕэ сылдьар кэмнэригэр үрдүк уонна орто профессиональнай үөрэх кыһаларын үөрэнээччилэригэр үрдүк истипиэндьийэ көрүллэр. Ону тэҥэ байыаннай эпэрээссийэ кыттыылаахтара уонна дьиэ кэргэттэрин атын чилиэннэрэ юрист уонна психолог көмөтүнэн босхо туһанар бырааптаахтар.
Уус Алдан улууһун Бээди оскуолатын 2-с кылааһын үөрэнээччитэ Эрхан Захаров улахан киһилии хорсун быһыыны оҥорбут,…
Дойду бэрэсидьиэнэ Владимир Путин көҕүлээһининэн Саха сиригэр култуура сайдар. “Добро.рф ассоциацияҕа” киирэр “Култуура волонтердара” Бүтүн…
Уус Алдан улууһун Бороҕоннооҕу оҕо ускуустубатын оскуолатын материальнай-тиэхиньиичэскэй баазата биллэрдик хаҥаабыт. Дойду бэрэсидьиэнэ Владимир Путин…
Быйыл Арктика улуустарыгар Арктикатааҕы атыы-логистика хампаанньата олохтоох хаһаайыстыбалар үүннэрбит хаппыысталарын, сүбүөкүлэлэрин, моркуоптарын уонна хортуоппуйун киллэрэн…
ИДьМ Дьокуускайдааҕы 4-с нүөмэрдээх полиция салаатын дьуһуурунай чааһыгар, мэдиссиинэ тэрилтэтиттэн, куорат биир кыбартыыратыгар эр киһи…
Киһи кулгааҕа тыаһы, дорҕоону икки кулгааҕынан истэргэ аналлаах. Өскөтүн биир эрэ кулгаахха наушнигы кэтэн иһиттэххэ…