Байыаннай эпэрээссийэ кыттыылаахтарын доруобуйаларын туругун боппуруоһа тустаах борокуратуураны кытта быһаарсыллар

Байыаннай эпэрээссийэ кыттыылаахтарын доруобуйаларын туругун боппуруоһа тустаах борокуратуураны кытта быһаарсыллар

14.12.2022, 13:54
Бөлөххө киир:

Дьон быраабын көмүскүүр боломуочунай аппараата байыаннай сулууспалаахтар доруобуйаларыгар сыһыаннаах боппуруостарга ураты болҕомтотун уурар.

Бу туһунан бэҕэһээ буолбут брифиҥҥэ боломуочунай Сардаана Гурьева иһитиннэрдэ.

— Өрөспүүбүлүкэ биир улууһуттан анал байыаннай эпэрээссийэҕэ кытта сылдьар эдэр киһи ийэтэ биһиэхэ өйөбүл көрдөөн тахсыбыта. Дьоно Саха сирин байыаннай борокуратууратын гарнизонугар тахсан, мобилизацияҕа сылдьар бааһырбыт киһини Запорожьеттан Ростов-на-Дону госпитальга ыыппыттар. Онтон байыаннай сулууспалааҕы Дьокуускай биир балыыһатыгар эмтэтэ ыыппыттар. Эдэр киһи эпэрээссийэни баран, билигин да балыыһаҕа сытар. Бу күннэргэ бу киһиэхэ сулууспатыгар уһатыыны эбэтэр ууратыыны биэрэр быһаарыы ылынарга анаан сулууспалаах доруобуйатын туһунан тустаах докумуоннары толорон, байыаннай чааһыгар ыыттыбыт. Өссө биир Бехтерев ыарыытынан ыалдьар байыаннай сулууспалаах туһунан түбэлтэни эмиэ холобурдуохпун баҕарабын. Биһиги байыаннай уокуруктар борокуруордарыгар  ыыппыт докумуоннарбытыгар олоҕуран, сулууспалаах госпитальга эмтэнэ киирдэ. Салгыы сулууспалыырын туһунан быһаарыы ылыллыаҕа, — диэн ылыллыбыт быһаарыылар тустарынан  омбудсмен иһитиннэрдэ.

Омудсмен Сардаана Гурьева «Госуслуги» тиһигэ биэдэмистибэлэр икки ардыларыгар кэккэ боппуруостары кэмигэр быһаарыыга үлэни тэтимирдэрин, социальнай эйгэҕэ ыытыллар үлэҕэ судаарыстыбаннай уонна олохтоох уорганнар нэһилиэнньэ долгуйар боппуруостарын тута быһааралларыгар сүҥкэн көмөтүн бэлиэтээтэ.

Бу туһунан СӨ Ил Дарханын уонна бырабыыталыстыбатын пресс-сулууспата иһитиннэрдэ.

Лента
Салгыы
29 января
  • -46°C
  • Ощущается: -46°Влажность: 63% Скорость ветра: 0 м/с

Сообщить об опечатке

Текст, который будет отправлен нашим редакторам: