Ил Дархан Айсен Николаев Майаттан мобилизацияҕа барбыт байыас дьиэ кэргэнигэр сырытта.
Быстах байыаннай хомуурга барбыт Мэҥэ Хаҥалас олохтооҕо Николай Семенов, эчэйиини ылан билигин Хабаровскай кыраайга эмтэнэр. Кэргэнэ Прасковья оҕолорун кытта Майаҕа олорор.
Николай бойобуой дьайыылар бэтэрээннэрэ. Өр кэмҥэ өрөспүүбүлүкэтээҕи кадеттар оскуолаларыгар үлэлээбит. Онтон Сыымахха кадеттар кылаастарын салайбыт. Кини иитиллээччилэрэ «Снежный барс» Бүтүн Арассыыйатааҕы оонньуулар призердарынан буола сылдьыбыттар.
Николай кэргэнэ кэпсээбитинэн, билигин күҥҥэ хаста да төлөпүөнүнэн кэпсэтэллэр, сибээһи туталлар. Сотору аҕалара дьиэтигэр кэлиэхтээх. Дьиэ хаһаайката байыаннай хомуурга барбыт дьон дьиэ кэргэттэригэр көрүллүбүт биир кэмнээх төлөбүрү ылбытыгар махтанна. Маны сэргэ, кини улуус дьаһалтата эмиэ көмөлөһөрүн бэлиэтээтэ. Мобилизацияламмыттар дьиэ кэргэттэригэр улуус 30 тыһ.солк. көмөлөһөр, ону сэргэ Майа сэлиэнньэтиттэн 20 тыһ.солк. Волонтердар эмиэ өйөбүл буолаллар. Ол түмүгэр байыаннай сулууспалаахтар дьиэ кэргэттэригэр муус киллэрбиттэр, муҥха балыгыттан биэрбиттэр.
Ил Дархан дьиэ кэргэҥҥэ өйөбүл тылларын эттэ уонна Саҥа дьылынан эҕэрдэлээтэ. Байыаннай сулууспалаах оҕолоругар ноутбук уонна мобильнай төлөпүөн бэлэхтээтэ. Кини туох эмэ боппуруос үөскээтэҕинэ биллэрэллэригэр эттэ. Маны сэргэ, Ил Дархан Семеновтар дьиэ кэргэн аҕалара 2015 сыллаахха туппут дьиэтин гаастааһыҥҥа бырабыыталыстыба көмөлөһөрүгэр сорудахтаата.
СӨ Ил Дархан уонна Бырабыыталыстыба пресс-сулууспата
Саҥа дьыллааҕы бырааһынньыктар иннинэ түөкүттэр былаас аатыттан сымыйа төлөбүрдэринэн уонна «бэлэхтэринэн» албынныыр ньыманы көхтөөхтүк туһанан…
Ахсынньы 20 күнүгэр Дьокуускайга «Спортивнай» түөлбэҕэ элбэх хайысхалаах успуорт саалатын үөрүүлээх аһыллыыта буолла. СӨ Ил…
Ахсынньы ыйыгар Саха сиригэр кыһыҥҥы суоллар аһыллыбыттарын үрдүнэн, улуустар икки ардыларынааҕы таксыы сыанатыгар биллэр-көстөр чэпчэтии…
СӨ Бырабыыталыстыбатын бэрэссэдээтэлин бастакы солбуйааччы Дьулустаан Борисов санаатынан, Арассыыйа Бэрэсидьиэнин пресс-кэмпириэнсийэтэ киэҥ ис хоһоонноохтук, киирбит…
СӨ Бырабыыталыстыбатын бэрэссэдээтэлин солбуйааччы Ольга Балабкина, РФ Бэрэсидьиэнин Владимир Путин улахан пресс-кэмпириэнсийэтин түмүктэрин сырдатан, судаарыстыба…
Күн бүгүҥҥүттэн үлэ күнүн кыраапыгын оҥоһуу өй (ИИ) былаанныан сөп. Үлэ эйгэтэ олус түргэнник уларыйан,…