Байыаннай сулууспалаахха баһыылканы чопчу тиэрдиэхтэрэ

“Саха сирэ эйигин кытта!” уопсастыбаннай хамсааһын ыстааба байыаннай сулууспалаах аадырыгар чопчу тиэрдиллэр баһыылкалары тутан саҕалаата. Бу туһунан ыстаап салайааччыта Айыл Дьулурҕа иһитиннэрдэ.

— Байыаннай сулууспалаах чугас дьоно кини тугу баҕарарын чопчу билэр буоллахтара, ол иһин анал баһыылканы ыытар кыахтаахтар. Байыаннай сулууспалаах аадырыһа ханна да көрдөрүллүбэт, кистэлэҥ ханаалынан өрөспүүбүлүкэ атын куораттарга тэрийбит тирэх пуунугар бэриллэр. Бу тирэх пууннарынан бэриллэн, аадырыска  быһаччы тиэрдиллэр, — диэн Айыл Дьулурҕа кэпсээтэ.

“Саха сирэ эйигин кытта!” пуун аадырыһа: Дьокуускай к., Орджоникидзе уул., 10 №-рэ, сарсыарда 10 чаастан киэһэ 7 чааска диэри өрөбүлэ суох үлэлиир.