Байыаннай сулууспалаахтар дьиэ кэргэттэрин өйүүр миэрэлэр тустарынан

Байыаннай сулууспалаахтар дьиэ кэргэттэрин өйүүр миэрэлэр тустарынан

28.09.2022, 09:38
Бөлөххө киир:

Быстах хомуурга ыҥырыллыбыт, байыаннай сулууспалаахтар дьиэ кэргэттэригэр туох көмө көрүллэрин туһунан бу ыйаахха ааҕыҥ:

Байыаннай сулууспалаахтар дьиэ кэргэттэрин өйүүр миэрэлэр тустарынан

Саха Өрөспүүбүлүкэтин Ил Дарханын Ыйааҕа

Арассыыйа Федерациятын Бэрэсидьиэнин 2022 сыл балаҕан ыйын 21 күнүнээҕи “Арассыыйа Федерациятыгар быстах хомууру биллэрэр туһунан” 647 №-дээх Ыйааҕар сөп түбэһиннэрэн  ыҥырыллыбыт байыаннай сулууспалаахтар дьиэ кэргэттэрин өйүүр сыалтан, уурабын:

  1. Арассыыйа Федерациятын Бэрэсидьиэнин 2022 сыл балаҕан ыйын 21 күнүнээҕи “Арассыыйа Федерациятыгар быстах хомууру биллэрэр туһунан” 647 №-дээх Ыйааҕар сөп түбэһиннэрэн, хомуурунан байыаннай сулууспаҕа Саха Өрөспүүбүлүкэтин Байыаннай комиссариатынан ыҥырыллыбыт уонна Арассыыйа Федерациятын байыаннай чаастарын испииһэгэр киллэриллибит байыаннай сулууспалаахтар дьиэ кэргэттэригэр, көрөргө:

1) 200 тыһыынча (икки сүүс тыһыынча) солкуобай кээмэйдээх биир кэмнээх материальнай көмөнү оҥоруу;

2) үөрэх үлэтин ыытар оскуола иннинээҕи үөрэхтээһин үөрэтэр бырагыраамаларын баһылыыр оҕолору көрүү-истии иһин, байыаннай сулууспа кэмигэр төрөппүтэ (сокуоннай бэрэстэбиитэлэ) хомуурга хабыллыбыт төрөппүттэртэн тутуллар төлөбүртэн босхолооһун;

3) байыаннай сулууспа кэмигэр төрөппүтэ (сокуоннай бэрэстэбиитэлэ) хомуурга хабыллыбытынан уопсай үөрэхтээһин тэрилтэлэригэр 5-11 кылаас үөрэнээччилэрин босхо аһатыы;

4) доруобуйаны чэбдигирдэр лааҕырдарга босхо путевкалары 6 саастарын 6  ыйдаах саастарыттан 18 саастарыгар диэри  оҕолорго биэрии;

5) Саха Өрөспүүбүлүкэтин судаарыстыбаннай бүддьүөтүн суотугар үрдүк уонна орто идэтийбит үөрэх тэрилтэлэригэр тус сыаллаах үөрэтиигэ  дуогабардары тумус суолталаах түһэрсии;

6) байыаннай сулууспа кэмигэр төрөппүтүн (сокуоннай бэрэстэбиитэлин) хомуурга хабыынан үрдүк уонна орто идэтийбит үөрэх тэрилтэлэрин үөрэнээччилэригэр үрдэтиллибит истипиэндьийэлэри олохтооһун;

7) байыаннай сулууспалаах төрөппүттэригэр санаторийга-куруорка эмтэниини көрүү.

  1. Саха Өрөспүүбүлүкэтин Бырабыыталыстыбатыгар (Тарасенко А.В.) 2022 сыл балаҕан ыйын 30 күнүгэр диэри быһаарарыгар:

1) бу Ыйаах 1 пуунунан олохтоммут өйөбүл миэрэлэрин усулуобуйатын уона бэрээдэгин;

2) бу Ыйааҕы олоххо киллэриини кытта сибээстээх ороскуоттар үбүлээһиннэрин источниктарын.

  1. Бу Ыйаах толоруллуутун хонтуруоллааһыны бэйэбэр хаалларабын.
  2. Бу Ыйааҕы сонуннары киэҥник тарҕатар дьиҥ таһымнаах сириэстибэлэргэ таһаарарга.

Саха Өрөспүүбүлүкэтин Ил Дархана А. НИКОЛАЕВ

Дьокуускай к.

2022 с. балаҕан ыйын 25 күнүнээҕи

2603 №-дээх.

Лента
Салгыы
29 января
  • -45°C
  • Ощущается: -45°Влажность: 64% Скорость ветра: 0 м/с

Сообщить об опечатке

Текст, который будет отправлен нашим редакторам: