Байыаннайдарга бу сылга бастакы улахан баартыйа көмөнү ыытыахтара

Бу күннэргэ Саха сириттэн байыаннай сулууспалаахтарга улахан паартыйа көмөнү ыытыахтара. 

«Бу сылга бу бастакы улахан көмө бараары турар. Өрөспүүбүлүкэ тэрилтэлэрэ уонна олохтоохторо саллааттарбытыгар анаан хомуйбут малларын сөмөлүөтүнэн ыытыахпыт. Итиэннэ «Якутия», «Саха сирэ», «Киин куорат», «Кыым» хаһыаттары бэлэмнии сылдьабыт. «Хоту-Ас» хампаанньа байыаннайдарга анаан халбаһы уонна ыыһаммыт сыа ыытыаҕа», — диэн Айыл Дьулурҕа иһитиннэрдэ.

Кини бэлиэтээн этэринэн, Дьокуускайга баар штабка бу күннэргэ уоппуска кэнниттэн байыаннай чаастарга төннөр байыаннайдарга анаан экипировка хомулла, тигиллэ сылдьар.

Көмөнү хомуйар пуун аадырыһа: Дьокуускай к., Орджоникидзе уул. 10, 10:00-19:00 ч., өрөбүлэ суох.