Хаартыска: SakhaGov
Өрөспүүбүлүкэҕэ байыаннай дьайыы кыттыылаахтарын 225 ыалыгар олорор дьиэни гаастыырга материальнай көмө оҥоһулунна. Бу туһунан СӨ Бырабыыталыстыбатын Бэрэссэдээтэлин солбуйааччы Георгий Степанов ахсынньы 8 күнүгэр нэдиэлэтээҕи брифиҥҥэ иһитиннэрдэ.
«Саха сиригэр байыаннай сулууспалаахтарга аадырыстаах көмө салҕанар. Байыаннай сулууспалаахтар 829 төрөппүттэрэ санаторнай-курортнай эмтэниини барар кыаҕы ыллылар. 597 граждаҥҥа байыаннай сулууспалаах эмтэнэр сиригэр барарыгар материальнай көмө оҥоһулунна. Доруобуйа харыстабылын уонна социальнай хааччыйыы тэрилтэлэригэр байыаннай дьайыы 1563 кыттыылааҕа уонна байыаннай сулууспалаахтар 2950 кэргэттэрэ реабилитацияны аастылар.
566 олохтоох дьиэҕэ уонна полустационарнай көрүҥүнэн социальнай хааччыйыы өҥөтүнэн туһанна. 35 граждаҥҥа тырааныспар суоппардарын идэтийэн бэлэмниир бырагыраамаларынан үөрэх төлөбүрүн толуйуу оҥоһулунна», – диэн Георгий Степанов бэлиэтээтэ. Кини иһитиннэрбитинэн, өйөбүл миэрэлэрин биир сүрүн хайысхатынан демобилизацияламмыт байыаннай сулууспалаахтары уонна кинилэр кэргэттэрин үлэнэн хааччыйыы буолар. Өрөспүүбүлүкэ Бырабыыталыстыбатын Бэрэссэдээтэлин солбуйааччытын дааннайынан, нэһилиэнньэ дьарыктаах буолуутун кииннэригэр үлэҕэ киирэргэ көмө көрдөөн 1132 киһи, ол иһигэр байыаннай дьайыы 467 кыттыылааҕа уонна кинилэр кэргэттэриттэн 655 киһи, туруорустулар. Кинилэртэн 221 киһи үөрэххэ ыытыллыбыт, 675 киһи үлэҕэ киирбит.
Вице-премьер өрөспүүбүлүкэ Бырабыыталыстыбатынан байыаннай дьайыы кыттыылаахтарыгар уонна кинилэр кэргэттэригэр социальнай өйөбүл миэрэлэрин Ыйынньыга оҥоһуллубутун санатта. Докумуон Үлэҕэ уонна социальнай сайдыыга министиэристибэтин официальнай саайтыгар таһаарылынна. Хомуурунньукка эрэгийиэннээҕи эрэ буолбакка, федеральнай өйөбүл миэрэлэрэ, ону тэҥэ Саха сиринээҕи «Аҕа дойдуну көмүскээччилэр» судаарыстыбаннай пуонда филиалын нөҥүө оҥоһуллар өйөбүл миэрэлэрэ киирэллэр. Гражданнар туһаналларыгар табыгастаах буоллун диэн, өйөбүл миэрэлэригэр Qr-куод сыһыарыллыбыт, онно киирэн миэрэ туһунан сиһилии информацияны билиэххэ сөп.
Куйаар ситимигэр Дьокуускай автовокзалын сымыйа саайта тарҕаммыт. Бу туһунан Тырааныспарга министиэристибэтэ сэрэттэ. Түөкүттэр саайтара тас…
Дьокуускайга элбэх оҕолоох дьиэ кэргэттэргэ уонна байыаннай дьайыы кыттыылаахтарыгар босхо сир учаастактарын түҥэтии салҕанар. Куорат…
Дьокуускай куорат суутунан успуорт оскуолатын дириэктэригэр РФ Административнай быраабы кэһии туһунан кодексатын (АПК) 9.1 ыстатыйатын…
«Аҕа дойдуну көмүскээччилэр» судаарыстыбаннай пуонда Саха сиринээҕи филиала Хорсунун иһин уордьан уонна Суворов мэтээлин кавалерын…
Волонтердар кылааттара сыл аайы ыытыллар #МЫВМЕСТЕ норуоттар икки ардыларынааҕы гражданскай пуорумҥа бэлиэтэннэ. Быйыл пуорум ахсынньы…
Дьиэ подъеһын Саҥа дьылга киэргэтиини кыбартыыра хаһаайыннарын уонна салайар хампаанньа сөбүлэҥэ суох оҥордоххо 15 тыһыынча…