СӨ Бырабыыталыстыбатын пресс-сулууспатын хаартыската
СӨ Бырабыыталыстыбатын вице-премьерэ Ольга Балабкина иһитиннэрбитинэн, өрөспүүбүлүкэҕэ байыастар дьиэ кэргэттэрин өйүүр 51 бөлөх тэриллибит. Ол курдук, хас улуус ахсын уонна Дьокуускай куоракка маннык бөлөхтөр тэриллибиттэр. Бөлөхтөр сүрүн соруктарынан — байыастар дьиэ кэргэттэригэр үөскээбит кыһалҕалары суһаллык быһаарыы буолар.
«Холобур, ийэҕэ кыһалҕа үөскээтэҕинэ кини бөлөххө суруйар. Өскөтүн, бу кыһалҕа күннээҕи олох-дьаһах тула буоллаҕына, кыһалҕаны нэһилиэк таһымыгар быһаарыахха сөп. Оччотугар манна нэһилиэк эбэтэр улуус баһылыга ылсан үлэлэһэр. Оттон кыһалҕа уустук буоллаҕына, бу өрөспүүбүлүкэ бөлөҕөр ыытыллар. Оччотугар биһиги суһаллык ИДьМ, суут бириистэптэрин, өрөспүүбүлүкэ байыаннай комиссариатын, о.д.а суһал лииньийэлэр хайысхаларынан кыһалҕаны быһаарарга ылсабыт», — диэн этэр Ольга Балабкина.
Ольга Валерьевна иһитиннэрбитинэн, көмө бөлөҕөр уопсайа 1250 киһи көмө көрдөөн суруйбут. Билигин 229 сайаапкаҕа үлэлэһэ сылдьаллар эбит.
Салалталарга эппиэтинэстээх дьон сыһыарыллыбыттар. Кинилэр байыаннай сулууспалаахтар дьиэ кэргэттэрэ кыһалҕалаах кэллэхтэринэ кэмигэр хаачыстыбалаах көмөнү оҥоруохтаахтар.
Маны сэргэ, Ольга Балабкина иһитиннэрбитинэн, сүрүн болҕомто байыаннай сулууспалаахтарга уонна кинилэр дьиэ кэргэттэригэр уйулҕа өттүнэн көмөнү оҥорууга ууруллар. Бүгүҥҥү күҥҥэ уйулҕа үлэһиттэрэ уопсайа 5,5 тыһыынча өҥөнү оҥорбуттар.
Санатар буоллахха, байыаннай дьайыыттан кэлбит сулууспалаахтары кытта үлэҕэ АСИ Уһук Илин эрэгийиэннэри биир ситимнээтэ. Мунньах кэмигэр уйулҕа өттүнэн көмөнү уонна байыаннай сулууспалаахтар кыһалҕаларын быһаарыыга арыаллааһын боппуруостарын туһунан бүтүн эрэгийиэннээҕи сулууспаны тэрийии боппуруоһа көтөҕүлүннэ. Саха сирин кытта Самара, Калуга уобаластара, Бурятия, Хабаровскай уонна Камчатка кыраайдара бэйэлэрин уопуттарын үллэһиннилэр.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…