Байыастар Кыайыы күнүнэн бэлэхтэри тутан эрэллэр

Бу күннэргэ байыастар Кыайыы күнүнэн өрөспүүбүлүкэ аатыттан бэлэхтэри тутан эрэллэр. Бу туһунан Ил Дархан Айсен Николаев телеграм-ханаалыгар иһитиннэрдэ.

«Кыайыы күнүнэн биһиги байыастарбыт бэлэхтэри тутан эрэллэр. Кинилэр төрөөбүт өрөспүүбүлүкэлэригэр, олохтоохторго көмөлөрүн уонна өйөбүллэрин иһин махтаналлар. Байыаннай дьайыы буола турар сириттэн маннык видео-устуулары туттахпына, биһиги байыастарбыт күннэтэ оҥорор хорсун быһыыларыттан киэн туттабын. Бэйэҕитин харыстана сылдьыҥ! Кыайыылаах эргиллэн кэлэргитин күүтэбит!» — диир Айсен Николаев.