Байыастар Саха сиригэр махтаналлар

Уопсастыбаннай палаата бэрэссэдээтэлэ Николай Бугаев анал байыаннай эпэрээссийэҕэ сылдьар  «Барс-2» этэрээт байыастарыгар Саха сириттэн баһыылкалары уонна пикап массыынаны туттарда.

«Боотур» этэрээт  хамандыыра, «Барс» иккис этэрээтин хамандыырын солбуйааччы  Александр Колесов уонна  байыастар Ил Дархан Айсен Николаевка,  Саха сирин олохтоохторугар махталларын тириэртилэр.

«Бүгүн үтүө күн буолла. Биһиги байыаннай сулууспалаахтарга Саха сириттэн баһыылкалары туттардыбыт. Бу маны кинилэр чугас аймахтара, билэр дьонноро хомуйбуттара. Маны таһынан, СӨ бырабыыталыстыбатыттан уонна өрөспүүбүлүкэ предприятиеларыттан көмө туттарылынна. Итиэннэ биһиги этэрээккэ пикап массыынаны биэрдибит», —  диэн  Николай Бугаев эттэ.