Байыастарга бэлэхтэри, баһыылкалары тиэрдэллэр

Аҕа дойдуну көмүскээччи күнүнэн бу күннэргэ байыаннай дьайыыга сылдьар байыастарга анаан тирэх пууннарга бэлэхтэри ыыттылар. Ол курдук бу баһыылкалары байыаннай дьайыыга инники күөҥҥэ сылдьар байыастарга тиэрдиэхтэрэ.

«Бу күннэргэ өрөспүүбүлүкэ бүттүүнэ биһиги дьоруойдарбытыгар диэн анаан эҕэрдэлэри уонна төрөөбүт дойдуларын аһын-үөлүн ыытта. Тирэх пууннар үлэһиттэрэ баһыылкалар хас биирдии байыаска тиийэрин туһугар кыһамньыларын уураллар. Бырааһынньыктааҕы бэлэх нобуоругар ас-үөл,  Саха сирин былааҕа ойуулаах күүһү, эрэли мэктиэлиир шевроннар ыытылыннылар», — диэн Ил  Дархан Айсен Николаев эттэ.

Эрдэ баһыылкалар үксүлэрэ Ростов уобалаһын уонна ДНӨ тирэх пууннарыгар тиэрдиллэллэрэ.  Ону тэҥэ нобуордар Москва, Санкт- Петербург, Хабаровскай, Улан  Удэ уонна Владивосток госпиталларыгар эмтэнэр бааһырбыт байыастарга тиийбиттэрэ. Бырааһынньыктааҕы нобуордарга таба этэ, ыыһаммыт балык, убаһа этин уонна ынах этин нобуордара, отон уонна чэй барыанньата бааллар.

Саха сирэ  байыастарыгар көмөлөһөр. Доннааҕы Ростовка, Донецкай уонна ЛНӨ тирэх пууннар үлэлииллэр, Курскай уобаласка тирэх пуун үлэтин саҕалаата. Байыастарга көмөлөһөр соруктаах өрөспүүбүлүкэҕэ квадроцикллар, электроматасыыкыллар, дроннар уонна да атын тэриллэр оҥоһуллаллар.