Нам улууһугар чааһынай ыаллар үксүлэрэ бэйэлэрин учаастактарыгар, бааһыналарыгар үүннэрбит хортуопуйдарын ааспыт өрөбүллэргэ үчүгэй күннэр тураннар хомуйан бүтэрбит эбит буоллахтарына, бааһынай хаһаайыстыбаларга уонна производственнай кооперативтарга билигин саамай былдьаһыктаах хомуур үлэтин кэмэ.
Юрий Петров, улуустааҕы тыа хаһаайыстыбатын управлениетын начальнигын солбуйааччы:
— Билигин бары күүс хортуоппуй хомууругар ууруллар, ол кэннэ хаппыыста, моркуоп, сүбүөкүлэ, уо.д.а. оҕуруот астарын хомуура саҕаланыаҕа. Быйыл кураан күннэр тураннар үүнүү орто диэххэ сөп.
Ааспыт нэдиэлэҕэ Степан Терешкин (Партизан) – 2 га, Александр Жирков (Хамаҕатта)– 5 га, Григорий Уваровскай (Бөтүҥ) – 5 га, Михаил Сивцев (Модут) – 1,5 га бааһыналарыгар хортуоппуй хомуурун үлэтэ барда.
Бу хаһаайыстыбаларга Дьокуускайдааҕы промышленнай техникум, Арктическай государственнай агротехнологическай университет студеннара, Н.С.Охлопков аатынан улуустааҕы гимназия үөрэнээччилэрэ дуогабар быһыытынан көмөлөһө сылдьаллар. Бу нэдиэлэттэн нэһилиэктэр оскуолаларын улахан кылаас үөрэнээччилэрэ уонна И.Е. Винокуров аатынан педколледж студеннара көмөҕө тахсыахтара, – диэтэ.
«Нам улууһа” МТ пресс-сулууспата
Соторутааҕыта Мэҥэ Хаҥалас улууһугар Төҥүлү нэһилиэгэр “Нөмүгү“ сайылыгар уонтан тахса сыл олохсуйан олорор Николай Баишев-Бойцов…
Быйыл Ньурбатааҕы судаарыстыбаннай көһө сылдьар драматическай тыйаатыр бастакы дириэктэрэ, Саха АССР үтүөлээх артыыһа Александр Алексеевич…
Өймөкөөн улууһугар уһун кэмнээх ардахтартан сорох нэһилиэнньэлээх пууннар ууга барбыттарынан сибээстээн, балаҕан ыйын саҥатыгар Өймөкөөн,…
Бүгүн, балаҕан ыйын 19 күнүгэр, Ил Дархан Айсен Николаев Орто Халыма куоратыгар үлэлээтэ. “Орто Халыма…
Синоптиктар бэлиэтииллэринэн, балаҕан ыйын 20 күнүгэр киин улуустарга -3...-8 кыраадыска диэри тымныйыан сөп. Дьокуускайга түүн …
Дьокуускай куоракка уулуссалар ааттарын, дьиэлэр нүөмэрдэрин бэрэдээктээһин ыытыллар буолбута көстөр. Ол курдук, соторутааҕыта Ленин проспегар…