Хаартыска: А.Васильева түһэриитэ.
2026 сыл тохсунньу 6 күнүгэр саха норуодунай суруйааччыта Н.Е.Мординов-Амма Аччыгыйа төрөөбүтэ 120 сылын туолла. Тохсунньу 15 күнүгэр Платон Ойуунускай аатынан Литература музейыгар ахтыы дьоро киэһэтэ буолан ааста.
Манна сиэннэрэ, чугас аймахтара, суруйааччылар, биир дойдулаахтара кытыннылар. Истиҥ, сылаас эйгэлээх киэһэ буолла. Бэл диэтэр, Амма Аччыгыйын уонна Христофор Максимов «Учууталбар» ырыаларын күргүөмүнэн толордулар. Санатар буоллахха, быйыл бу хоһоон суруллубута 100 сылын туолар. Бу хоһоону Николай Егорович 20 эрэ саастаах сылдьан, 1926 сыллаахха суруйбут эбит.
«Бэлэм буол» хаһыат бэтэрээннэрэ сиэнигэр Никита Мординовка Амма Аччыгыйын 120 сылыгар анаан оҥоһуллубут мэтээли уонна эмис куобаҕы бэлэхтээтилэр. Суруйааччы оҕонньоттор бииргэ бултуур, балыктыыр, бэйэ-бэйэлэригэр куһу, куобаҕы кэһиилэнэр үгэстээхтэрэ.
Амма Аччыгыйын сиэнэ, «Якутэнергосбыт» исписэлииһэ, полиграфист идэлээх Никита Семенович Мординов санаатын үллэһиннэ:
— Эһэбит Николай Егорович төрөөбүтэ 120 сылын бэлиэтиир ахтыы дьоро киэһэтин «Бэлэм буол» хаһыат бэтэрээннэрэ, П. Ойуунускай аатынан Литература музейа, Саха сирин Суруйааччыларын сойуустара тэрийэн, наһаа үчүгэйдик ыыттылар. Эһэбит төрөөбүт-үөскээбит дойдутуттан, Тааттаттан, биир дойдулаахтара кэлэн кытыннылар. Кинилэр дойдуларыгар эмиэ Амма Аччыгыйын аатын үйэтитэр үлэни ыыталлар.
Онон тэрийээччилэргэ барыларыгар сиэннэрин, аймахтарын аатыттан улахан махталбытын тиэрдэбит. Олус үөрдүбүт.
Николай Егорович икки сиэннээх, түөрт хос сиэннээх. Маны тэҥэ, бииргэ төрөөбүттэрэ Авксентий Егорович, Трофим Егорович уонна Татьяна Егоровна оҕолоро, сиэннэрэ кэллилэр, — диэн кэпсээтэ.
Саха сиригэр «Куттала суох Арктика — 2027» ыксаллаах быһыыга-майгыга үөрэтэр эрчиллиилэргэ бэлэмнэниини дьүүллэстилэр. Мунньахха Саха…
Сэтинньи 3-12 күннэригэр дойду үрдүнэн «Улахан этнографическай дьыктаан» XI норуоттар икки ардыларынааҕы аахсыйа ыытыллыаҕа. Саха…
Биир үтүө күн үлэбитигэр тыаттан биир дьахтар киирэн кэллэ. “Кыргыттаар, миигиттэн тахсан идэһэтэ ылыҥ, бэйэҕит…
Олох-дьаһах хомунаалынай хаһаайыстыбатын уонна энергетикатын министиэристибэтин иһитиннэриитинэн, алтынньы 28 күнүттэн Амма улууһугар Харбалаах чоҕун хостуур…
Алтынньы 17 күнүгэр "Уран уйулҕа" духуобунай киинигэр бэрт ураты истиҥ-иһирэх, сэргэх көрсүhүү буолан ааста. Бу…
Орто Халыма улууһун борокуратуурата 1-кы группалаах инбэлиит киһини албыннаан уорбут харчыларын — 1,5 мөлүйүөнтэн тахса…