Хаартыска: СИА
Бүгүҥҥү брифиҥҥэ 122 “итии линия” салайааччыта Мария Винокурова үгүс байыананй сулууспалаахтар билигин уоппускаҕа кэлэллэринэн, авиабилиэти атыылаһыы боппуруоһа сытыытык турарын бэлиэтээтэ.
“Биһиги линиябыт нөҥүө эбэтэр Саха сирин Биир кэлим сүрүннүүр киинин (ЕКЦ) суһал нүөмэрдэринэн уоппускаҕа кэлэр эбэтэр төннөр байыаннай сулуспалаахха авиабилиэти уурдадар туһунан ыйытык хааллараргытыгар сүбэлиибит. Салалта уонна өрөспүүбүлүкэ баһылыгын, Саха сирин тырааныспарка министиэристибэтин, “Якутия”, “Полярные авиалинии”, “АЛРОСА” эрэгийэннээҕи авиахампаанньалар көҕүлээһиннэринэн, бу боппуруостары суһаллык быһаарар кыалынна”, — диэтэ Мария Винокурова.
Кини этэринэн, Саха сиринээҕи сөмөлүөтүнэн тиэйээччилэр авиабилиэттэрин сыаналарынааҕар атын хампаанньалар сыаналара уратылаһар. “Маршруккут, көтөр күҥҥүт уонна ханнык докумуонунан билиэт атыылаһаргыт туһунан иһитиннэриини булгуччу этиэхтээххит. Ону тэҥэ уурдарбыт билиэккитин эппит кэмҥитигэр диэри ылыахтааххыт, ылбатаххытына бронь уһуллар уонна билиэккит “көҥүл атыыга” тахсар”, — диэтэ салайааччы.
Байыаннай дьайыы (СВО) боппуруостарынан өрөспүүбүлүкэтээҕи “итии линияҕа” 122 нүөмэргэ эрийэн баран, эбии 3 кунуопканы (хантараагынан байыаннай сулууспаҕа киириигэ), 4 кунуопканы (СВО боппуруоһунан) уонна 5 (дойдуларыттан барбыт дьоҥҥо көмө (беженец) туһунан иһитиннэрии) баттыыгыт. Атын эрэгийиэннэртэн Саха сирин олохтоохторо маннык нүөмэринэн эрийиэхтэрин сөп : 8(4112) 510-122. Сулууспа суукканы эргиччи үлэлиир.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…
Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…
Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…
Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…
Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…
…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…