Бэдьимэлэр арыы, йогурт оҥороллор

Тыа сиригэр үүтү туттарыы үгэннээн бара турар. Ол курдук, Мэҥэ Хаҥалас улууһун Бэдьимэ нэһилиэгин арыы сыаҕа (урбаанньыт Неустроев Василий Валерианович)  үлэтин ыам ыйыттан саҕалаабыта.

Уопсайа бу сылга нэһилиэк иһигэр 19 ыал үүт туттарар: үс киһи урбаанньыт, 16 ыал “Үс Сүрэх” кэпэрэтиип чилиэттэрэ. Бу күҥҥэ диэри уопсайа 50 туонна үрүҥ илгэни туттардылар.

Туттарыллыбыт үүттэн сибиэһэй ынах арыытын уонна йогурт оҥорон атыыга таһаараллар эбит. Инникитин бу арыы сыаҕын үлэһиттэрэ оҥорон таһаарар бородууксуйаларын элбэтэр баҕалаахтар.