Бэҕэһээ киһи өлүүлээх суол быһылаана таҕыста

Бэҕэһээ, балаҕан ыйын 27 күнүгэр, «Лена» федеральнай суол 1144 км 21 чаас саҕана суол быһылаана таҕыста.

1996 с.т.  Тойота Ланд Крузер массыына суоппара Аллараа Бэстээх диэки айаннаан иһэн уруулун кыайан туппакка, утары балаһаҕа тахсан  FREIGHTLINER ыарахан уйуктаах массыынаны кытта харсыспыт.

Ол түмүгэр Тойота Ланд Крузер массыынаҕа олорсон испит  2005 с.т. пассажир ылбыт эчэйиилэриттэн суһал көмө кэлиэр диэри суорума суолламмыт.

Туһааннаах массыына суоппарын уонна биир пассажиры Майа сэлиэнньэтигэр балыыһаҕа илдьибиттэр. Миэдиктэр суол быһылааныгар түбэспит дьону көрөн баран, балыыһаҕа пассажиры госпитализациялаабыттар.

Суол быһылаана тахсар кэмигэр  Тойота Ланд Крузер пассажирдара курдаммакка олорбуттар. Улахан уйуктаах массыына суоппара эчэйбэтэх.

Билигин быһылаан тахсыбыт төрүөтүн быһаараллар.