Бэйдиэ ыттары тутууга үлэ салҕанар

Бэйдиэ ыттары тутууга үлэ барар. Кулун тутар 18-24 күннэригэр, Дьокуускай куорат Михаил Николаев аатынан проспегар, уопсайа 9 бэйдиэ сылдьар ыты тутан приютка илтилэр.

Бэлиэтээн суруйдахха, сыл саҕаланыаҕыттан 97 ыт тутуллубут.  Саас буолан үгүс бэйдиэ ыт үөрдүһэр. Онон хаһаайыттар ыттарын баайан, вольерга хаайан туруоруохтаахтар.

Ыты көрүүгэ-истиигэ быраабыланы кэһии иһин ыстараап баарын туһунан хаста да суруйан турабыт. Ол курдук, РФ Быраабы кэһии Кодексатын 5.4 ыст. ыттаах хаһаайын административнай эппиэтинэскэ тардыллыан сөп.

Бэйдиэ сылдьар ыты көрдөххүтүнэ биир кэлим диспиэччэрскэй сулууспа 44-42-29 нүөмэригэр эрийэн сайаапка хаалларыаххытын сөп. Маны сэргэ, ыты тутуунан дьарыктанар бэдэрээччит нүөмэригэр сибээскэ тахсыаххытын сөп: 89245997660.