ВИДЕО: Бөкөҕө түлүөнү көрбүттэр. Бу кырдьык дуо?

Сахаларга даҕаны көрү-күлүүнү өрө тутар, дьээбэлээх дьон элбэх. Бэҕэһээ социальанй ситимнэринэн Мэҥэ Хаҥалас Бөкөтүгэр муус ыла сырытахтарына, чардааттан түлүөн тахсан кэлбит видео тарҕаммыта.

Николай Павлов, Догдоҥо нэһилиэгин баһылыгын солбуйааччы:

— Нэһилиэкпитигэр олорор сэрии сылларын оҕолоругар, анал байыананй дьайыыга сылдьар уонна сылдьыбыт уолаттарбыт чуга сдьонугар, доруобуйаларынан хааччахтаах биир дойдулаахтарбытыгар сыллата ыытыллар муус киллэриитин аахсыйа субуотунньугун ыыппыппыт.  Күөлгэ сырыттахпытына сибээс хабар этэ, онно оҥоһуу өйү бэрэбиэркэлээн видео устубутум. Уонна доҕорбор, бииргэ үлэлиир кылаабынай исписэлииспэр Аскольд Винокуровка ыыппытым. Киһим уус-ураннаан, итэҕэтиилээх баҕайытык суруйан таһаарбыт этэ. Ол кэннэ булт бөлөҕөр, улуус аайы тарҕаммыт этэ. Билэр дьонум Чурапчыттан, Горнайтан, Үөһээ Бүлүүттэн суруйуу бөҕө. Кырдьык дуо диэн.

Бу курдук Бөкөҕө  көхтөөхтүк субуотунньуктаабыттар уонна дьээбэ-хообо буолбуттар.