Бэнсиин сыаната кэнники биэс сыл иһигэр 32% үрдээтэ

Саха сиригэр уматык сыаната кэнники биэс сыл иһигэр 32%-нан үрдээтэ.

2020 сыллаахха АИ-95 лиитэрэтэ 55,1 солк. этэ, оттон 2024 сылга 73,2 солкуобай буолбута. Ол эрээри ордук күүскэ дизельнэй уматык ыараата: 2020 сыллаахха лиитирэтэ 59,7 солк. эбит буоллаҕына, 2024 сылга сыаната 88 солк. диэри үрдээбит. Бу туһунан Сахастат саайтыгар иһитиннэриллэр.

2020 сыллаахха саха сирин олохтоохторо АИ-92 лиитэрэтин иһин 54,6 солк. төлүүллэр этэ, оттон 2024 сылга — 73,1 солк. төлүүр буолбуттара. Онуоха 2021 уонна 2022 сылларга сыаната 56 солк. таһымыгар турбута. АИ-95 ол сылларга тэҥ сыаналаах этэ — лиитирэтэ 57 солкуобай. Дизельнэй уматык сыаната сыл аайы тохтоло суох үрдүүр.

Ааспыт субуотаҕа, атырдьах ыйын 9 күнүттэн, уматык сыаната уопсайа 4 солк. эбилиннэ.

Билиҥҥи уматык сыаната Дьокуускай АЗС-рынан маннык:

• Туймаада-нефть: АИ-92 — 73,70 солк., АИ-95 — 77,50 солк., АИ-98 — 84,50 солк., ДТ — 93,00 солк.
• Саханефтегазсбыт: АИ-92 — 74,80 солк., АИ-95 — 78,60 солк., АИ-100 — 84,60 солк., ДТ — 93,40 солк.
• Сибойл: АИ-92 — 70,60 солк., АИ-95 — 73,50 солк., ЭФ — 71,10 солк., ДТ — 91,50 солк.