Бэрдьигэстээх саҥа түөлбэлэниэ

Share

Быйыл сыл саҕаланыытыгар Горнай улууһугар Бэрдьигэстээххэ саҥа кыбартаалы үлэҕэ киллэриэхтэрэ.

Дьиэни-уоту уонна социальнай эбийиэктэри тутуу хаамыытын уонна болдьоҕун туһунан Ил Дархан Айсен Николаев уонна Горнай улууһун баһылыга Никита Андреев дьүүллэстилэр.

Быйылгы сылга оройуоҥҥа хас да улахан тутуулар түмүктэнэн үлэҕэ киллэриллиэхтэрэ. Ол курдук, хаарбах туруктаах дьиэттэн көһөрүү бырагырааматынан, Бэрдьигэстээххэ МСО түөлбэтигэр элбэх кыбартыыралаах сэттэ дьиэ (уопсайа 176 кыбартыыра) тутулла турар. Үлэ 97% бэлэм, дьиэлэргэ сылаас бэриллибит, түмүктүүр үлэлэр ыытыллаллар. Олохтоохтор саҥа тутуулар үлэҕэ киирэллэрин долгуйа күүтэллэр. Манна сыһыары тутан эттэххэ, манна өссө баһаары утары үлэҕэ ууну мунньар уонна носуос ыстаансыйалара үлэҕэ киллэриллиэхтэрэ.

Маны таһынан, сыл бастакы кыбартаалыгар оройуон киинигэр 550 миэстэлээх үс мэндиэмэннээх саҥа оскуола аһыллара былааннанар.

Дойду бэрэсидьиэнэ Владимир Путин сорудаҕынан ыытыллар тутуулартан,  Бэс Күөлгэ оскуоланы уонна элбэх хайысхалаах киини быйыл үһүс кыбаарталга үлэҕэ киллэриэхтэрэ.

Никита Андреев улууһу сайыннарарга сүрүн сыалынан инженернэй инфраструктуранан хааччыйыы буоларын бэлиэтиир. «Оһоҕунан оттуллар дьиэ ахсаанын аҕыйатарга, нэһилиэнньэ тупсаҕай усулуобуйаланарыгар үлэ ыытыллар«, — диэн этэр кини.

Кыһалҕаны социальнай гаастааһын бырагыраама көмөтүнэн быһаараллар, ол иһигэр оройуон киинигэр — Бэрдьигэстээххэ, дьиэлэр гаас ситимигэр холбоноллор. Маннык үлэ атын нэһилиэнньэлээх пууннарга салҕанар. Онно дьиэлэри киин ититэр ситимҥэ холбуур үлэ салҕанар. Маҕараска уонна Кэптиҥҥэ кэтэх ыаллар дьиэлэрин киин ититэр ситимҥэ холбоон сылааһынан толору хааччыйар туһуттан, саҥа кыбартаалынай хочуолунайга наадыйаллар. Салгыы Никита Андреев Ил Дархаҥҥа улуус бырамыысыланнай пааркатын бырайыагын көрдөрдө. Онно тутуу матырыйаалларын оҥорон таһаарар резиденнэр, о.д.а. үлэлэри тэрийии былааннанар.

Туспа Орто Сурт — Кэптин муниципальнай суолларын оҥоруу боппуруоһа көрүлүннэ. Кэптин —  уустук суоллаах-иистээх. Өрөспүүбүлүкэ суолун пуондатын уонна Горнай оройуонун бүддьүөтүн үбүн-харчытын суотугар муниципалитеттар икки ардыларынааҕы учаастакка 15 км суолу оҥорууга бырайыактыыр-сметнай докумуон оҥоһуллан бүппүт.

СӨ Ил Дарханын уонна СӨ Бырабыыталыстыбатын пресс-сулууспата

Хаартыскаҕа Андрей Сорокин (СИА) түһэриитэ

What’s your Reaction?
+1
0
+1
0
+1
0
+1
0
+1
0
+1
0
+1
0

Recent Posts

  • Оҕо саас сыла
  • Сонуннар

Оҕолор Чокуурдаахха сырыттылар

Арассыыйаҕа биллэриллибит Дьиэ кэргэн уонна Саха сиригэр Оҕо саас сылларынан Аллайыаха улууһугар элбэх үлэ ыытылла…

10 часов ago
  • Итэҕэл
  • Сонуннар

Ыраастаныы

Ыраастаныы киһи киртийдэҕинэ оҥоһуллар. Киһиэхэ кир тастан киирэр. Ким эрэ куһаҕаны эппитэ, күннээҕи олоххо туох…

10 часов ago
  • Оҕо саас сыла
  • Сонуннар

Күндээдэ эбээлэрэ уһуйааҥҥа ыалдьыттаатылар

Өрөспүүбүлүкэ күнүн бары улуустарга өрө көтөҕүллэн туран, бу күннэргэ араас дириҥ ис хоһоонноох тэрээһиннэри ыыттылар.…

10 часов ago
  • Сонуннар
  • Уопсастыба

Саха сирин олохтооҕо «Будущее» уопсастыбаннай бириэмийэ лауреата буолла

Москваҕа муус устар 27 күнүгэр "Центр духовно-нравственное единение "Будущее" НКО уопсастыбаннай бириэмийэтин туттарыы сиэрэ-туома ыытылынна.…

11 часов ago
  • Сонуннар
  • Уопсастыба

Мэҥэ Алдан дэлэгээссийэтэ Чөркөөххө кэлэн уопут атастаста

Бу күннэргэ Томпо улууһун Мэҥэ Алдан нэһилиэгин дэлэгээссийэтэ Чөркөөххө кэлэн кыраайы үөрэтээччи  Гаврил Вырдылинтан нэһилиэк…

11 часов ago
  • Сонуннар
  • Уопсастыба

Элбэх оҕолоох ыалларга өйөбүл туһунан

Саха сирин Ил Дархана элбэх оҕолоох ыаллары социальнай өттүнэн өйүүр эбии миэрэлэр тустарынан ыйаахха илии…

12 часов ago