Бэрдьигэстээх сэлиэнньэтин «Сардаҥа» түөлбэтэ саҥа бырайыагы олоххо киллэрдэ

Горнай улууһун Бэрдьигэстээх сэлиэнньэтигэр түөлбэлэр бэрт көхтөөх үлэни ыыталлар.

«Сардаҥа» түөлбэ актыыба иһитиннэрбитинэн,  «Бастыҥ уопсастыбаннай бэйэни салайыныы» куонкуруска кыттан,  2-с миэстэ буолан, түөлбэҕэ  150 тыһыынча солкуобайы ылбыттара. «От ыйыттан саҕалаан бырайыакпыт олоххо киирэн барбыта. Бэдэрээтчит  Грант Иванов ылсан, эргэ олбуорбутун көтүрэн, турбаларын тимирдэрин ылан,  үлэтин эрдэттэн бэлэмнээбитэ. Үлэтин чааһын кэнниттэн кэлэн хойукка дылы үлэлээн, күрүөбүт биир саамай уһун эркинэ бүттэ. Ол кэннэ оҕолорун кытта кэлэн, кырааскалаан кылбачытан кэбистилэр. Түөлбэ олохтоохторо үөрүүбүт муҥура суох. Түргэн-тарҕан туттунуулаах Грант Ивановка уонна нэһилиэкпит дьаһалтатыгар  эбии үбүлээһининэн  көмө оҥорбутугар истиҥник махтанабыт. Куруутун да маннык түөлбэлэргэ күүс-көмө буола тураргытыгар баҕарабыт» диэн «Сардаҥа» түөлбэ актыыба Бэрдьигэстээх сэлиэнньэтин  телеграм-ханаалыгар сырдатта.

Сиһилии https://t.me/berdadmin/6223 сигэнэн билсиҥ.