Сотору ый өлүүтүн илэ хараҕынан көрүөххэ сөп

“Роскосмос” судаарыстыбаннай корпорация телеграм-ханаалыгар иһитиннэрэринэн, балаҕан ыйын 7 күнүгэр Арассыыйа сиригэр-уотугар ый «өлүөҕэ».

— Маннык дьайыы күн, сир уонна ый биир лииньийэҕэ  баалларыгар уонна планета бэйэтин күлүгүн аргыска түһэрэр кэмигэр бэлиэтэнэр. Онуоха күн уота ый үрдүгэр тиийэн, кыһыл-сырдык саарыл өҥүнэн кырааскалыыр, — диэн быһаараллар.

Ый өлөр муҥутуур фазата балаҕан ыйын 7 күнүгэр  Москва бириэмэтинэн 21.12 чааска күүтүллэр. Космос дьикти дьайыытын илэ хараҕынан көрүөххэ сөп.