Бэрдьигэстээххэ — «Бастыҥнар түһүлгэлэрэ»

Бу күннэргэ Мэхээлэ Дьөгүөрэп аатынан сылын ахсын ыытыллар Бэрдьигэстээх нэһилиэгин баһылыгын сылы түмүктүүр «Бастыҥнар түһүлгэлэрэ» тэрээһин үрдүк таһымнаахтык ааста.

Бу туһунан Бэрдьигэстээх сэлиэнньэтин дьаһалтатын ТГ-ханаала маннык сырдатта: «Нэһилиэкпит чаҕылхай, актыыбынай олохтоохторун чиэстиир дьоро киэһэбит түгэниттэн үллэстэбит. Быйыл тэрилтэлэрбит икки ардыгар олус тыҥааһыннаах, интэриэһинэй тэрээһиммит «Сэргэх сэлиэнньэ» бэстибээл түмүгүнэн:

10 миэстэ — «Чэбдик» хамаанда 100 тыһыынчанан;

9 миэстэ — «Айылҕа оҕолоро» хамаанда 100 тыһыынчанан;

8 миэстэ — «Өрөгөй» хамаанда 100 тыһыынчанан;

7 миэстэ — «Добун» хамаанда 100 тыһыынчанан;

6 миэстэ — «Дьулурҕан» хамаанда 100 тыһыынчанан;

5 миэстэ — «Кыайыы сулуһа» хамаанда 150 тыһыынчанан;

4 миэстэ — «Кыайыы сиэннэрэ» хамаанда 150 тыһыынчанан;

3 миэстэ — «Дохсун» хамаанда 200 тыһыынчанан;

2 миэстэ — «Төлөн» хамаанда 300 тыһыынчанан;

1 миэстэ — «Чыпчаал» хамаанда 500 тыһыынчанан наҕараадаланнылар.

Түгэнинэн туһанан, бэстибээлгэ кыттыбыт тэрилтэлэрбитигэр нэһилиэкпит култуурнай, спортивнай олоҕун сыл устата сэргэхсиппиттэригэр махтал тылбытын биллэрэбит. Бу курдук өрүү актыыбынай кыттыыны ыларгытыгар. Кэлэр 2026 сыл Бэрдьигэстээхпит нэһилиэгэр Ыччат сылынан биллэрилиннэ. «Сэргэх сэлиэнньэ» элбэх ыччаты түмүө, хамсатыа диэн эрэнэбит».