Бэрдьигэстээххэ түөлбэлэр бириэмийэлэрин көдьүүстээхтик тутталлар

Горнай улууһун Бэрдьигэстээх сэлиэнньэтигэр түөлбэлэр (ТОС) ортолоругар үгүс тэрээһиннээх үлэ барар.  

Ааспыт 2021 сылга түөлбэлэринэн  күрэхтэһии түмүгүнэн, «Үрдэл» ТОС кыайыылаах тахсан, олохтоох дьаһалта бириэмийэтинэн —  500 тыһ.солк. наҕараадаламмыта.

«Үрдэл» ТОС салайааччыта Светлана Лю-Фа иһитиннэрбитинэн, бу ситиһии — олохтоохтор бары үлэҕэ  көхтөөхтүк  кыттыыларын түмүгэ.

— Бириэмийэбитин түөлбэбит уулуссаларын суолларын оҥорууга тутуннубут.  Уопсайа 6 уулуссаҕа уонна оҕо былаһааккатыгар барыта 80 массыына кумаҕы, 6 массыына щебенка куттардыбыт.

Түөлбэбит олохтоох урбаанньыттарыгар олус улахан үлэни ыыппыттарыгар истиҥ махталбытын тиэрдэбит, — диэн түөлбэ салайааччыта санаатын үлэһиннэ.