Хаартыскаҕа Анна Яковлева түһэриитэ.
Таатта улууһун Уус Таатта нэһилиэгэр бырабыыталыстыба отчуотун кэмигэр булчут Николай Иванов бөрө кутуругар төлөбүр туһунан ыйытта.
— Бөрөнү өлөрдөххө бэриллэр төлөбүр улуус-улуус аайы араастаһар. Биһиги улууспутугар 10 тыһыынча солкуобай этэ. Ол эрээри, мин үс сыллааҕыта өлөрбүт бөрөм иһин төлөбүрү ылбакка сылдьабын. Ону хайдах ылыахпын сөбүй? — диэн ыйытта.
Онуоха айылҕа харыстабылын управлениетын үлэһитэ маннык хоруйдаата:
— Булчут өлөрбүт бөрөтүн туттарыахтаах. Оччолорго »Сахабулт» тутар этэ, туспа төлүүр. Былырыын улууска бу сыалга харчы көрүллүбэтэҕэ, онон боломуочуйаны нэһилиэктэр баһылыктарыгар биэриэххэ диэн кэпсэтии барбыта. Аны туран, сылгыны тардыбыт дуу, бэлиэтээбит дуу буоллаҕына, аах оҥоһуллуохтаах. Аах суох буоллаҕына, хоромньу суох диэн, үп көрүллүбэккэ хаалар. Докумуоннар киирдэхтэринэ, мунньан, төлөһөбүт.
Манна нэһилиэк тыа хаһаайыстыбатын исписэлииһэ ойон туран, утары эттэ:
— Николай Иванов 2021 сыллаахха бөрөнү өлөрбүтэ. Докумуоннара барыта баран турар. Бу кэмҥэ Малгин, Неустроев 3 биэтин тардыбыттара. Онно аах оҥорон, тыа хаһаайыстыбатын управлениетыгар да, улуус дьаһалтатыгар да түһэрбитим.
Улуус баһылыга Михаил Соров бу боппуруоһу хайдах быһаарар туһунан ытаһалаата:
— Биһиги иэстээх сылдьарбытын сөбүлээбэппит. Иэһи иэс курдук төлүөхпүт. Эһиги эттигит, биһиги иһиттибит!
Бу курдук, былаас уонна нэһилиэнньэ атах тэпсэн олорон, ирэ-хоро кэпсэттэхтэринэ, араас тыын боппуруостар көрүллэн, кыһалҕалар быһаарыллаллар.
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Өспөххө "Кубок знатоков наслега" бырайыагым быйылгы оонньуута түмүктэннэ. Бу күн түөртүү киһилээх 6 хамаанда бары…
Аҕа дойду уоттаах сэриитин бэтэрээнин, Саха сирин Бочуоттаах олохтооҕун, 101 саастаах Наум Трифонович Слепцову кэлэн…
Ыалдьыты былыр үөрэ-көтө айдааран көрсүбэттэр этэ. Хайдах киһи дьиэҕэ киирбитин дьиэлээх тойон ороҥҥо сытан тута…
Садын оройуонун (билиҥҥитэ Мииринэй) Ботуобуйа сирэ-дойдута былыр былыргыттан дьон аймах сөбүлээн олохсуйбут сирэ буолар. Олохтоохтор…
Аҕа дойду сэриитигэр Улуу Кыайыы үбүлүөйдээх 80 сылын тэрээһиннэрин түмүктүүр "Уоттаах сэрии сылларыгар" кинигэ биһирэмэ…