Бэс ыйын 20 күнэ: этиҥнээх ардах, силлиэ тыал, күнүс +22°С

Бүгүн, бэс ыйын 20 күнүгэр, Саха сирин үгүс оройуоннарынан кыралаан ардыыр, сорох сиринэн самыырдыыр. Бу туһунан УГМС саайта иһитиннэрэр.

Күнүс киин улуустарынан этиҥнээх ардах, сөкүүндэҕэ 15-18 м. диэри түргэннээх күүстээх тыалырыа.

Өлүөнэ алын тардыытын улуустарынан ардах, сорохторго күүстээх самыыр түһэр. Кыра тыаллаах, сөкүүндэҕэ  9-14 м. түргэннээх күүстээх тыаллаах. Өлөөҥҥө, Мииринэйгэ, Анаабырга, Булуҥҥа сөкүүндэҕэ 15-18 м. түргэннээх силлиэ тыаллаах.

Салгын температурата түүн +7+12°, халыннаҕына +1+6°,Арктика оройуоннарынан сорох сиринэн  -1°С кыраадыс тымныы, күнүс +18+23°С, хотугулуу-арҕаа +10+15°, хоту байҕал кытылынан +6+11° кыраадыс сылаас.

Дьокуускайга түүн +9+11°, күнүс +20+22° кыраадыс сылаас. Түүн сөҥүүтэ суох, быстах ардах, ардыгар этиҥнээх ардах түһэр, түүн соҕуруулуу-арҕааттан кыра тыаллаах, күнүс хотугулуу-арҕааттан сөкүүндэҕэ 4-9 м. түргэннээх тыаллаах, этиҥнээх ардах кэмигэр сөкүүндэҕэ 15-18 м. түргэннээх силлиэ тыал түһэр.