Хаартыска: sakhagov.ru
«БАРС-2» этэрээттэрин байыаһа, бааһыран, атаҕын быстарбыт Николай Петров анал реабилитационнай бырагырааматын түмүктээн эрэр. Балыыһаларга кэлим эмтээһини ааһан баран, 2024 сыл муус устар ыйыгар дойдутугар төннөн кэлэн, бэтэрээн «Аҕа дойдуну көмүскээччилэр» судаарыстыбаннай пуонда Саха сиринээҕи салаатын кытта сибээстэспитэ.
Социальнай координатор Евгения Каменяр көмөтүнэн, бэтэрээн бары өттүнэн өйөбүлү ылбыта. Николай Будимирович балаҕан ыйын бүтүүтүгэр Новосибирскай уобалас Бердскай куоратыгар айаннаабыта, онно наадалаах докумуоннары хомуйууну уонна реабилитацияҕа ыытыыны филиал тэрийдэ.
«Николай Будимировиһы биһиги арыаллыыбыт, бары өттүнэн көмөлөһөбүт. Атырдьах ыйыгар киниэхэ олорор дьиэ булан биэрбиппит, онтон кини олус үөрбүтэ. Биһиги кини реабилитациятын салгыы хонтуруоллуубут, мэдиссиинэ боппуруостарыгар эрэ буолбакка, социальнай адаптацияҕа эмиэ көмөлөһөбүт. Кини адаптивнай спортивнай күрэхтэһиилэргэ уонна уопсастыбаннай тэрээһиннэргэ кыттан саҕалаата. «Кибатлетика» бырагырааматын бүтэрэн баран, үчүгэй настарыанньалаах, саҥа кыахтары арыйан, дойдутугар төннүө диэн эрэнэбит», — диэн бэлиэтээтэ социальнай координатор Евгения Каменяр.
«Кибатлетика» бырагыраама чэрчитинэн, байыаннай дьайыы бэтэрээннэрэ быратыаһы туһанарга үөрэнэллэр, чөлгө түһэргэ дьарыктаналлар, анал күрэхтэһиилэргэ кытталлар уонна бойобуой табаарыстарын кытта алтыһаллар.
«Аҕа дойдуну көмүскээччилэр» судаарыстыбаннай пуонда Арассыыйа бэрэсидьиэнэ Владимир Путин дьаһалынан тэриллибитэ, бэтэрээннэргэ уонна буойуннар дьиэ кэргэттэригэр тус өйөбүлү оҥорор. Тэрилтэ мэдиссиинэ уонна социальнай реабилитацияҕа эрэ буолбакка, үөрэххэ уонна үлэҕэ ылыыга эмиэ көмөлөһөр.
Сиһилии: https://www.sakha.gov.ru/news/13598
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…