Елизавета Ефремова хаартыскаҕа түһэриитэ
2026 сыл Арассыыйаҕа — Норуоттар сомоҕолоһууларын, Саха сиригэр — Култуура, Горнай улууһугар — Доруобуйа сылларынан биллэрилиннэ.
Саҥа сылга Атамайга тэрээһиннэр тиһиктээхтик салҕаналлар. Нэһилиэкпит ааҕар балаҕанын сэбиэдиссэйэ Елизавета Ефремова «Бенефис читателя» диэн ааспыт сылы түмүктүүр бэрт үчүгэй уонна күүтүүлээх, долгутуулаах тэрээһини ыытта.
Долгутуулаах тэрээһиҥҥэ мустубут ыалдьыттары нэһилиэк баһылыга Айсен Павлов эҕэрдэлээтэ. Кини бибилэтиэкэни кытта ыкса алтыһан үлэлиир тэрилтэ салайааччыларыгар, бибилэтиэкэбит сэбиэдиссэйэ Елизавета Ефремова кинигэни доҕор оҥостубут ааҕааччыларга дохсун ытыс тыаһыгар доҕуһуоллатан Махтал суруктары туттардылар.
2025 сыл түмүгүнэн «Ытык ааҕааччы» анал ааты Үлэ, тыыл бэтэрээнэ, Атамай нэһилиэгин бочуоттаах олохтооҕо, 93 саастаах Николай Жирков ылла.
«Бастыҥ библио-актыбыыс» анал аакка Валентина Захарова, Матрена Аввакумова тигистилэр.
«Бастык библио-АНЫК» анал аат хаһаайынынан «АНЫК» ыччат түмсүүтүн чилиэнэ Ксения Суханова буолла.
«Нуучча суруйааччыларын айымньыларын бастыҥ ааҕааччы» анал аат хаһаайына — Родион Аргунов.
«Омук суруйааччыларын бастыҥ айымньыларын ааҕааччы» аата Антонина Яковлеваҕа иҥэрилиннэ.
«Бастыҥ ааҕааччы — 2025» — Валентина Яковлева буолла.
СӨ Култууратын туйгуна Агафья Семеновна Колодезникова сырдык аатын үйэтитэн оҕолоро, сиэннэрэ, хос сиэннэрэ бибилэтиэкэ ааҕааччыларыгар истипиэндьийэ аныыллар, харчынан бириэмийэ туттараллар. 2025 сылга «Бастыҥ ааҕар дьиэ кэргэн» анал ааты Диана Степановна уонна Леонид Иванович Федоровтар ыллылар.
«Библио-АСОШ» кыайыылаахтарынан оскуола үөрэнээччилэрэ Сайаана Иванова (10 кылаас), Айгылаана Ефремова (10 кылаас) буоллулар.
Дьоро күн ыалдьыттарыгар бибилэтиэкэ сэбиэдиссэйэ билиини-көрүүнү тургутар викторинаны ыытта, көрдөөх-нардаах күрэстэргэ дьон-сэргэ көхтөөхтүк кытынна.
Ыалдьыттар тэрээһини олус сөбүлээтилэр, сэргэхсийдилэр. Бибилэтиэкэ сэбиэдиссэйигэр Елизавета Николаевнаҕа махтаннылар. Ааҕар балаҕан өссө элбэх ааҕааччыланарыгар баҕардылар. Саҥаттан саҥа ситиһии, сонунтан сонун арыйыы сүргэҕин көтөхтүн, ылсыбыт үлэҥ үрдүк таһымнаннын, ситиһиилээх буоллун диэн баҕа санааларын тиэртилэр.
Валентина Яковлева,
Атамай, Горнай.
Елизавета Ефремова хаартыскаларга түһэриитэ.
Дьокуускай куорат полициятын миграцияҕа салаатын үлэһиттэрэ «Омук устудьуона» диэн профилактическай тэрээһин чэрчитинэн үөрэх тэрилтэлэригэр кэлбит…
Саха сиригэр өрөспүүбүлүкэ олоҕор-дьаһаҕар ураты суолталаах эбийиэктэри дронтан (БПЛА) көмүскүүр аналлаах мобильнай бөлөхтөргө резервистэри хомуйуу…
Саха сирин борокуратуурата ааспыт суукка устата өрөспүүбүлүкэ үрдүнэн бэлиэтэммит быһылааннар тустарынан иһитиннэрэр. Бу кэм иһигэр…
Дойду Бэрэсидьиэнэ Владимир Путин Бырабыыталыстыбаҕа «Дьиэ кэргэн ипотеката» бырагыраамаҕа уларытыылары киллэрэр кыаҕы көрөргө сорудахтаата. Бу…
Бу өрөбүллэргэ Дьокуускай куорат «Дохсун» успуорт уораҕайыгар оҕолорго ох саанан ытыыга «Саха сирин эрэлэ» диэн…
Сэтинньи идэһэ кэминэн биллэр. Улуу добдурҕа кэмигэр, халлаан биллэ тымныйыыта Саха сиригэр эт дэлэйэр, үөрүү…