2023 сыл бастакы үлэ күнүгэр Социальнай пуонда киирбит сайабылыанньалартан 459 оҕоҕо Биир кэлим босуобуйаны биэрэр туһунан быһаарыыны ылбыт. Бу дьиэ кэргэттэр босуобуйаны олунньу 1 күнүттэн номнуо тутуохтара. Ол туһунан Элбэх өҥөнү оҥорор киин (МФЦ) пресс-сулууспата иһитиннэрэр.
Бу биир кэлим босуобуйа урукку биэс босуобуйаны солбуйар: эрдэ учуокка турбут хат дьахталларга, оҕо 3 сааһыгар диэри, 3-7 саастаах уонна 8-16 саастаах оҕолорго, ону тэҥэ 16-гар диэри ый аайы бэриллэр босуобуйалары.
Урут хат дьахталларга бэриллэр босуобуйа суумата тиийинэн олоруу алын кээмэйин аҥаарын саҕа этэ, билигин дьахтар кыра дохуоттаах буоллаҕына, 100%-нын толору ылыан сөп. Иккис оҕоҕо анал босуобуйа суоҕа, ийэ хапытаалыттан көҕүрэтэр буоллахха эрэ, ылыахха сөп этэ. Билигин биир кэлим босуобуйа оҕо хаһыс ахсаанынан төрөөбүтэ учуоттаммат, дьиэ кэргэн дохуота уонна баайа-дуола учуоттанар.
Сайабылыанньа бэриллибит күнүттэн дьиэ кэргэн 1 сыл иннинээҕи дохуота ааҕыллар. Анал байыаннай дьайыы кыттыылаахтарын дохуоттара учуоттаммат. Дьиэ кэргэн дохуота хас биирдии чилиэнигэр тиксэринэн, тиийинэн олоруу алын кээмэйиттэн намыһах эрэ буоллаҕына, босуобуйа бэриллэр.
Биир кэлим босуобуйаҕа сайабылыанньаны ахсынньы 28 күнүттэн тутан саҕалаабыттара. Билиҥҥи туругунан, 5 тыһыынчаттан тахса сайабылыанньа киирбит.
Элбэх өҥөнү оҥорор кииҥҥэ сайабылыанньаны 13 үлэ күнүн иһигэр көрөллөр. Социальнай пуондаҕа – 20 үлэ күнүн иһинэн. Ону тэҥэ, “Госуслуги” портал нөҥүө эмиэ биэриэххэ сөп.
Үөһээ Бүлүү улууһун Баҕадьа сэлиэнньэтигэр оскуола-саад үлэҕэ киирдэ. Бүгүн өрөспүүбүлүкэ үрдүнэн тоҕус социальнай эбийиэк аһылынна.…
Үрдүк үөрэхтэргэ уонна кэллиэстэргэ Биир кэлим эксээмэни туттарбакка үөрэххэ киирии туһунан сокуон барылын дьокутааттар бөлөхтөрө…
Амма улууһун Михайловка сэлиэнньэтигэр Норуот айымньытын дьиэтэ үөрүүлээх быһыыга-майгыга аһылынна. Бүгүн өрөспүүбүлүкэ үрдүнэн тоҕус социальнай…
Ленскэй оройуонунааҕы ИДьМ дьуһуурунай чааһыгар маркетплейс бэрэстэбиитэлиттэн сайабылыанньа киирбит. Инвентаризация кэмигэр табаары биэрэр пуунтан 300…
Оҕуруоту, сибэккини олордууга сүбэлэр Сүрүннээн тохсунньуттан үүнээйини олордуу саҕаланар. Арктикатааҕы судаарыстыбаннай агротехнологическай университет ойуур комплексыгар…
Дьокуускайдааҕы ИДьМ салаатыгар дьахтар балыыһаҕа сылдьан тас таҥаһын уордарбытын туһунан иһитиннэрбит. Бу туһунан СӨ ИДьМ…