«Биир ньыгыл Арассыыйа» ааспыт ыйга 30 байыаһы көрүстэ

«Биир ньыгыл Арассыыйа» баартыйа Саха сиринээҕи салаатын чилиэннэрэ бэс ыйыгар байыаннай дьайыыттан кэлбит 30 байыаһы көрсүбүттэрэ.

Уолаттарбытын аэропуорка баартыйа чилиэннэрэ көрсөннөр өрөспүүбүлүкэ аатыттан махтал тылларын этэллэр уонна хас биирдиилэригэр саха сиэринэн быһах бэлэх ууналлар.

«Аҕа дойдуларын иһин байыаннай дьайыыга кытта сылдьар байыастар бары дьиҥнээх дьоруойдар! Саха сирэ бэйэтин байыастарынан киэн туттар уонна кинилэри өйүүр. Уолаттарга кыайыы-хотуу көтөллөөх түргэнник төрөөбүт дойдуларыгар төннөллөрүгэр баҕарабын», — диэн этэр «Биир ньыгыл Арассыыйа» баартыйаны өйүүр уопсастыбаннай ыстаап салайааччыта Сулустан Заболоцкай.