Барыллаан куоластааһын түмүгүнэн, “Биир ньыгыл Арассыыйа” баартыйа Ил Түмэҥҥэ уонна Дьокуускай куорат Дууматыгар хандьыдааттарын састаабын үс гыммыт биириттэн тахсаны уларытта диэн Айсен Николаев пресс-кэмпириэнсийэ кэмигэр иһитиннэрдэ.
Ил Түмэҥҥэ барыллаан куоластааһыҥҥа кыайбыт хандьыдааттартан (биир мандааттаахтар уонна эрэгийиэннээҕи бөлөхтөргө бастакы нүөмэрдэринэн сылдьааччылар) – 70 киһиттэн 23-рэ билигин дьокутааттыы сылдьар дьон. Ол эбэтэр, Ил Түмэҥҥэ хандьыдаат састааба 70%-на саҥардыллыбыт.
Дьокуускай куораттааҕы Дуумаҕа барыллаан куоластааһыҥҥа кыайбыт хандьыдааттартан (биир мандааттаахтар уонна эрэгийиэннээҕи бөлөхтөргө бастакы нүөмэрдэринэн сылдьааччылар) – 30 киһиттэн 7-тэ билигин дьокутааттыы сылдьар дьон. Ол эбэтэр, куорат дууматыгар хандьыдаат састааба 80%-на саҥардыллыбыт.
— Биир мандааттаах хандьыдааттар номнуо быһаарылыннылар. Барыллаан куоластааһыҥҥа кыайбыт дьон быыбарга баартыйа аатыттан кыттыахтара. Ону тэҥэ, баартыйаттан испииһэктэр оҥоһулла сылдьаллар. Бэс ыйын 11 күнүгэр кэмпириэнсийэҕэ баартыйа испииһэгинэн барааччылар бигэргэниэхтэрэ, — диэн Ил Дархан эттэ.
Ил Дархан, бырабыыталыстыба дьаһалтатын пресс-сулууспата.
Бүгүн Саха Өрөспүүбүлүкэтин күнэ – өрөгөй күнэ. Бу бэлиэ күн иитинэн элбэх араас тэрээһин ыытылынна.…
Бүгүн Өрөспүүбүлүкэбитигэр өрөгөй, үөрүү, кэскилбитин түстээбит үтүө күммүт үүннэ. Бу күн Саха Автономиятын төрүттээбит, саргытын…
Муус устар 30 күнүгэр сарсыарда 10 чаастан "Пятница!" ханаалга "Пробный переезд" диэн саҥа биэриигэ Саха…
Ыйытыы: Көһөрүү (перевод) быһыытынан атын тэрилтэҕэ барар буоллахха, харчынан толуйууну (компенсация) ылбакка, атын тэрилтэҕэ кини…
Анаабыр улууһун Сааскылаах сэлиэнньэтигэр баар "Тугутчаан" уһуйааҥҥа сүүсчэ Чебурашка "олорорун" билэр этигит дуо? Москва олохтооҕо…
2024 сыл бастакы кыбаарталыгар төрөөбүт кыыс оҕолору Сандаара, Айыына, Кэрэли, Нарыйаана, Мичийэ уонна Сайаана диэн…