Хаартыска ИДьМ пресс-сулууспатыттан
Интэриниэт ситимин кэтээн көрүү кэмигэр полиция үлэһиттэрэ сокуоннай сааһын ситэ илик кыыс электроннай тэрили тарда турарын, ону таһынан кыра саастаах оҕоҕо эҕирийтэрэрин устубут видеоларын булан ыллылар.
Видеоҕа уһуллубут кыыһы оскуола педагогтара билэн, полиция сокуоннай саастарын ситэ илик оҕолору кытта үлэлиир салаатыгар биллэрбиттэр. Бу туһунан ИДьМ пресс-сулууспата иһитиннэрэр.
Силиэстийэҕэ быһаарыллыбытынан, видеоны сокуоннай сааһын ситэ илик кыыс алтынньы 23 күнүгэр, ийэтин кытта ыалга сылдьан устубут. 12 саастаах оскуола үөрэнээччитэ этэринэн, кини ким эрэ умнан хаалларбыт электроннай табаҕы булан ылбыт. Бастаан бэйэтэ кистээн боруобалаан көрөн баран, дьиэ хаһаайыттарын 9 саастаах уонна биир саастаах уолаттарыгар эҕирийтэрбит. Бу кэмҥэ улахан дьон суохтар эбит. Оҕо урут учуокка турбатах, дьиэ кэргэнин улахан дьоно холуобунай уонна административнай эппиэтинэскэ тардыллыбатахтар. Ону таһынан, видеоны кыыс дьүөгэтигэр ыыппыт, оттон ол оскуола бөлөхтөрүнэн тарҕаммыта быһаарылынна. Быһылаан тута педагогтар болҕомтолорун тардыбыт. Оҕо ийэтигэр РФ Административнай кэһиилэр тустарынан кодексатын 5.35 ыстатыйатынан административнай боротокуол оҥоһулунна. Оскуола үөрэнээччитин кытта сэрэтэр-профилактическай үлэ ыытыллар.
Саха сиригэр Өлүөнэ өрүһүнэн Жатай — Төхтүр хайысханан паром сырыыта түмүктэннэ. Мууһу хайытар аал арыалдьыттаах…
Нерюнгрига оскуола оҕолорун ортотугар дрон күрэһэ буолан ааста. Тэрийээччилэр иһитиннэрбиттэринэн, күрэхтэһии «ИнжеНерю» диэн инженерия үөрэҕин…
Харыйа – Саҥа дьыллааҕы бырааһынньыктарга дьиэ сүрүн киэргэлэ. 2026 сылга ситиһиини тардар туһугар харыйаны ханнык…
Алдаҥҥа сэтинньи 24 күнүгэр, баскыһыанньа киэһэ, массыына көлүөһэтигэр 14 саастаах уол оҕо киирэн биэрбит. Саха…
Дьокуускайга 2-с №-дээх куораттааҕы балыыһа SMART-поликлиникатын үөрүүлээх аһыллыыта буолла. Гагарин уокуругар баар саҥа мэдиссиинэ киинэ…
«Сыыппара алмааһа» пуорум дьиҥнээх саха кыһынын кытта билсэргэ уонна саҥа технологиялар киинигэр киирэргэ кыаҕы биэрэр.…