Бииргэ арыгылаабыт киһитэ күүһүнэн харчытын уорбут

Мииринэй оройуоннааҕы полиция отделыгар эр киһи 204 тыһ.солк. уордарбытын туһунан иһитиннэрбит. Холуобунай ирдэбил үлэһиттэрэ уорбаланааччыны быһаарбыттар. Бу эрдэ уоруунан сууттана сылдьыбыт 23 саастаах эр киһи эбит диэн СӨ ИДьМ пресс-сулууспата суруйар.

Эмсэҕэлээччи уонна уорбаланааччы биир баарга көрсөннөр, онно итирдэр утахтары испиттэр. Ханнык эрэ түгэҥҥэ мөккүспүттэр. Онуоха уорбаланааччы эмсэҕэлээччи төлөпүөнүн былдьаан, мобильнай бааҥҥа киирэн бэйэтигэр 204 тыһ.солк. ыыппыт. Ол кэнниттэн кини төлөпүөнү төннөрбүт уонна барбыт. Ол уорбут харчытын туттубатах.

«Уоруу» диэн ыстатыйанан холуобунай дьыала тэрилиннэ.