Хаартыска: "Национальнай приоритеттар" АНУо.
“Билэҕин дуо? Үөрэт!” Бүтүн Арассыыйатааҕы оҕо билим-популярнай видеотын төрдүс сезонугар кыттарга сайаапкалары ылыы 2025 сыл муус устар 1 күнүгэр диэри уһатылынна.
Куонкуруска 6-тан 18-гар диэри саастаах оҕолор кыттан, бэйэлэрин билим-популярнай блогер быһыытынан боруобалыыр кыахтаналлар. Куонкуруска кыттар туһугар, үс мүнүүтэлээх билим-популярнай видеоны устан баран, Атомариум платформаҕа таһаарыахха наада. Куонкуруска үлэлэри биэс анал аакка ылаллар: «Электрохамсааһын», «Полимердар», «Космос», «Кэлэр кэм авиацията», «Тыыныы – олох».
“Куонкурус биллэриэхпититтэн ыла биһиги сүүһүнэн видеолары туппуппут, билигин да сайаапка киирэ турар. Куонкурус туһунан саҥа билбит эрээри, үлэлэрин туттарар бириэмэлэрэ суох оҕолорго анаан, болдьоҕу муус устар 1 күнүгэр диэри уһатарга быһаарынныбыт», — диэн эттэ “Национальнай приоритеттар” АНУо генеральнай дириэктэрэ Софья Малявина.
«Күөх энергетика» бириинсиптэрин, улахан кэскиллээҕин уонна кыаҕын өйдүүргэ, электрическэй транспоры туһаныы углероднай суолу аҕыйатыыга хайдах көмөлөһөрүн, онно анаан Арассыыйаҕа туох инфраструктура оҥоһулларын туһунан кэпсэтэргэ оскуола оҕолорун «Росатом» судаарыстыбаннай корпорацияттан «Электрохамсааһын» анал аакка ыҥыраллар.
“Росатому” кытта бииргэ үлэлээһин көмөтүнэн, «Билэҕин дуо? Үөрэт» куонкурус аан бастаан аан дойду таһымыгар таҕыста: «Электрохамсааһын» анал аакка Арассыыйа кыттааччылара эрэ буолбакка, Беларусь Өрөспүүбүлүкэтин оҕолоро эмиэ кыттыахтара.
Анал ааттарынан бастыҥ видеороликтар ааптардара сыаналаах бириистэри ылыахтара, онно бааллар электросамокаттар, саҥарар көмөлөһөөччүлээх өйдөөх колонкалар, үөрэх куурустарыгар сэртипикээттэр, авиатренажерынан көтүү, космическай тренажердар комплекстара баар Сулустаах куоракка айан уонна да атын элбэх, диэн иһитиннэрэр «Национальнай приоритеттар» АНУо.
Судаарыстыбаннай пуонда филиала үлэлиир кэмигэр 2023 сыл бэс ыйын 1 күнүттэн диэри эпиэкэҕэ сылдьар дьоҥҥо…
Дьокуускайга Аҕа дойду Улуу сэриитин Кыайыы 80 сылыгар аналлаах «Динамо» уопсастыбаннай сэбиэт бастакы тэриллиилэрин ортотугар…
Улахан быыстапкалыыр бырайыактары олоххо киллэрии туһунан Ил Дархан Айсен Николаев уонна Национальнай художественнай түмэл генеральнай…
Өрөспүүбүлүкэ олохтоохторо байыаннай дьайыы кэмигэр РФ интэриэһин көмүскүүллэрин салгыыллар уонна РФ Сэбилэниилээх Күүстэрин састаабыгар кинилэргэ…
Хачыкааттааҕы уонна 2 №-дээх Покровскайдааҕы оскуолалар ОРВИ уонна грипп ыарыыта улаханнык тарҕаммытынан харантыыҥҥа сабылыннылар. Олунньу…
Элбэх оҕолоох ыалларга сир учаастагын оннугар төлөбүр суумата 200 тыһыынчаттан 300 тыһыынча солкуобайга диэри үрдээбит.…