Билиэн-көрүөн баҕалаахха: куоска минньигэс амтаны билэр дуо? Оттон саамай улахан кинигэ төһө ыйааһыннааҕый?

Маны билэҕит дуо?

• Скорпион сылы быһа уу испэккэ сылдьыан сөп. Маны тэҥэ кинини хас да нэдиэлэҕэ тоҥордоххо, онтон төттөрү ириэрдэххэ туох да буолбат, тиллэн кэлэр.
• Куоска минньигэс амтаны билбэт.
• Тигээйи үксэ «Ля» нотанан дыыгыныыр, оттон сылайдаҕына «Ми».
• Урут хараабыл тутуутугар мотуруостар наар төбөлөрүнэн сааллаллар эбит. Ол иһин төбөлөрүн харыстаан бэргэһэлэрин помпоннуур буолбуттар, онтон ыла итинник бэргэһэ муодата саҕаламмыт. Кэм-кэрдии ааспытын да кэнниттэн боронсуус мотуруостарын бэргэһэлэрин  кыһыл помпон киэргэтэр эбит.
• Страус түргэнник сүүрдэҕинэ сылгыны ситэр.
• Эйфель башнятын 7 сыл буола-буола саҥалыы кырааскалыыллар.
• Японияҕа Осако куоракка дьиэ иһинэн ааһар массыына суола баар эбит.
• Өскөтүн 21 күн тугу эмэ тутустахха, бу үөрүйэххэ кубулуйар.
• Аан дойдуга саамай улаханынан күөх киити ааттыыллар. Уһуна 33 м., ыйааһына 150 тн тахсыан сөп.
• Саамай дириҥ күөлүнэн Байкал буолара биллэр. Дириҥэ 1620 м.
• Гиннес рекордун кинигэтигэр 2007 с. диэри биллэр улахан кинигэнэн «Bhutan: A Visual Odyssey Across the Last Himalayan Kingdom» ааттыыллар. Кинигэ ыйааһына — 60,3 кг, 118 стр. биллэр.
• Кенгуру көннөрү ыстаҥалыырыгар 1,2-1,9 м ырааҕы ыстанар дииллэр. Оттон ыксаатаҕына 9-тан тахсалы м. тиийэ ыстанара бэлиэтэнэр. Биир кенгуру көнө сиргэ 13,5 м. ыстаммыта бэлиэтэнэн турар эбит. Өссө 13 м 63 см. тиийэ ыстаналлара бэлиэтэммиттээх эбит.
• Миэтэрэттэн ордуктаах оҕурсу баара буолуо дии санаабыккыт дуо? Себастьян Суски диэн хаһаайын биир сайын оҕуруотуттан 113,4 см уһуннаах оҕурсуну ылбыт. Бу урут бэлиэтэммит саамай уһун оҕурсуну 6,4 см аһарбыт.

«Айар» кинигэ кыһатын 2023 с. халандаарыттан уонна интэриниэт ситимиттэн.