Бильярдка, тиэннискэ уонна дуобакка күрэхтэстибит

Ороһуоспа күнүгэр спортивнай куттаах Ньидьили нэһилиэгэр биирдиилээн бастыыр иһин бильярдка, тиэннискэ уонна дуобакка күрэхтэр үрдүк таһымнаахтык ыытылыннылар.

Көрүҥнэр аайы 10-тан тахсалыы спортсмен кытынна. Ыаллыы олорор Арыктаах нэһилиэгин ыччаттара кэлэн күрэхтэһиини өссө сытыырхатан биэрдилэр.

Бильярд   күрэҕэ «Көҥүл пирамида» нуучча бильярдын быраабылатынан ыытылынна. Сүрүн бириис пуондата кыттааччылар бэйэлэрэ укпут усунуостарыттан турда. Уопсай түмүккэ биирдиилээн бастыыр иһин күрэххэ Назир Карасартов бастаата, иккис миэстэҕэ Иосиф Ноговицын таҕыста уонна үһүс бириистээх миэстэни Градимир Иванов ылары ситистэ.

Остуол тиэнниһигэр дьахталларга бастакы миэстэни Ирина Ноговицына, иккис миэстэни Евдокия Васильева, үһүс миэстэни ыалдьыппыт Саяна Ноговицына ыллылар. Эр дьоҥҥо бастакы миэстэни Ноговицын Федор, иккис миэстэни Эверстов Иван, үһүс миэстэни Ноговицын Иосиф  үллэһиннилэр.

Онтон салгыы дуобакка биирдиилээн бастыыр иһин Иосиф  Ноговицын иннин кимиэхэ да биэрбэтэ. Иккис миэстэни Евдокия Васильева уонна үһүс миэстэни Айтал Федоров ылыахтарын ыллылар. Дуобакка сүрүн бириистэри туруорбут олохтоох бибилэтиэкэргэ Туйаара Ноговицынаҕа, сүрүн судьуйаҕа Афанасий Атласовка махталбытын тиэрдэбит. Инникитин да ыытыллар күрэхтэргэ көхтөөхтүк кыттаргытыгар ыҥырабыт.

Надежда Эверстова.