Хаартыска: СИА
Чернышевскай уулуссатыгар баар «Хозмаркет» маҕаһыыҥҥа бүгүн эдьиийим сылдьан атыы атыыласпыт. Онуоха кассаҕа олорор кыыс билигин биометрия нөҥүө ылабыт төлөбүрү диэн баран хаартыскаҕа түһэрэр курдук гыммыт. Эдьиийим атыылаһан дьиэлээбит. Арай бүгүн, соһуччу миигиттэн, маҕаһыыҥҥа сылдьыбатах киһиттэн каартабыттан түөрт тыһыынча курдук суума уһуллубутун дьиктиргии санаатым. Маҕаһыҥҥа сылдьан атыыласпытым курдук баан сыһыарыытын историятыгар көстөр. Дьиктиргээн, тута эдьиийбэр сонун быһыытынан кэпсээччи буоллум, онуоха эдьиийим: «Уай, ити мин мааҕыан атыыласпытым дии, аны биометриянан ылар буолбуттара, харчыгын төттөрү ыытыам «, — диэтэ. Дьэ, буолар да эбит. Эмиэ да сайдыы биир көрүҥэ эрээри, арай чахчы миэхэ майгынныыр киһи тугу эмит атыыластаҕына каартаттан биллибэтинэн харчы уһуллара иэдээн буолбатах дуо?
Мин тута Чернышевскай уулуссаҕа баар «Хозмаркет» маҕаһыыҥҥа эрийэн дириэктэр нүөмэрин көрдөөтүм. Онуоха миигин кытта администратор дуу, атыыһыт дуу кэпсэттэ. «Биһиги тугу да билбэппит, бары ыйытыылары сбербаантан ыйытыҥ», — диэтэ.
Бу кэриэтин каартаттан кумааҕы харчыны устан атыыласпыт көнө дии санаатым. Хаһан даҕаны сылдьыбатах маҕаһыыным ыраахтан биометрия нөҥүө харчы устубута соһутта.
Бу түгэн биометрическай дааннайы атыы-эргиэн эйгэтигэр туттарга итэҕэстэр баалларын көрдөрөр курдук.
Ыйытыы: РФ Үлэ кодексын 128 ыстатыйатынан көрүллүбүт, хамнаһа суох уоппуска хайдах бэриллэрий? Үлэни биэрээччи үлэһит…
Өр сылларга эргэ хаарбах дьиэҕэ олорбут Өрөспүүбүлүкэтээҕи (коррекционнай) интэринээт-оскуола үс сыллааҕыта үс этээстээх таас саҥа…
Саха сиригэр 2025 сыл 8 ыйын устата кэҥэтиллибит неонатальнай чинчийии көмөтүнэн, түөрт кыһыл оҕоҕо сэдэх…
СӨ Борокуратуурата иһитиннэрбитинэн, былырыын бэс ыйыгар 33 саастаах Дьокуускай куорат олохтооҕо тиэргэҥҥэ турар «КАМАЗ-5410» массыынаттан…
Дьокуускайга элбэх кыбартыыралаах дьиэлэргэ сылааһы биэрии 100% хааччылынна. Бу туһунан Дьокуускай куорат баһылыгын солбуйааччы Владислав…
Хоту көһөрүллүү күнүн бэлиэтиир тэрээһиннэр чэрчилэринэн, Чурапчыга “Айылгы” НАДь фойетыгар Саха сиригэр соҕотох баталист-худуоһунньук Иван…