Таатта улууһун Уолба сэлиэнньэтин олохтооҕо Михаил Боппосов сыл аайы балбаахтан илиҥҥи халандаарынан сыл бэлиэлэрин оҥорон дьону үөрдэр идэлээх. Ааспыт сыл бэлиэтин баабыры дьиэ кэргэнинээн оҥорон дьон сэҥээриитин ылбыта. Аны быйыл кэлэр сыл бэлиэтин барабаанныыр куобаҕы оҥорон дьонун-сэргэтин сөхтөрдө.
Маннык балбаахтан араас фигуралары оҥорор идиэйэ Михаилга 2011 с. киирбитэ. Онтон ыла быйыл 12 сылын бэйэтин айымньыларын балбааҕынан оҥорон Уолбатын аатырдар. Айымньытын хайдах оҥорон бүтэрдэ даҕаны биир дойдулаахтара хаартыскаҕа түһэрэн социальнай ситимнэринэн тарҕатан, дьон интэриэһин тардаллар.
Быйылгы куобаҕа ураты буолла, илиитэ хамсаан барабааны охсуолуур. Куобах барабааны хайдах охсорун Михаил маннык кэпсиир: «Быйыл бу уон иккис оҥоһугум. Бэйэм сүөһүлэрбин эспитим икки сыл буолла, онон бырааппар Киэсэҕэ кыттыһан, кини хотонун аттыгар оҥоробун. Былырыын бырааппар эһиил барабааннаах куобаҕы оҥоруом диэбитим, онтубун толордум. Хамсатар мэхэньиисимэ улахан буолан, куобахпыт эмиэ балай да улахан буолла. Мэхэньиисимин бырааттарбын Киэсэни уонна Баанньаны көмөлөһүннэрэн, сэппэрээтэр киэнин курдук оҥордубут. Куобах кэннигэр киһи туран эрийэр, оччоҕо илиитэ хамсыыр. Онтон барабаана күпсүүр, ортото кураанах мас, ону эрийэ тардан, хаймыылаан оҥордубут. Мэхэньиисимин чааһын сайыҥҥыттан муспутум, тимирдэрин, сыабын, о.д.а. эрдэттэн хомуйан толкуйдаабытым. Урут баччаларга олус тымныы буолааччы, тоҥо-тоҥо үлэлээччибин, быйыл сылаас дьыл буолан, балбаах кыайан сыстыбакка, хойутаан саҕалаабытым».
Уран тарбахтаах, мындыр толкуйдаах Михаил таах олорбот, айар талааннаах киһи хайдах да матырыйаалтан тугу баҕарар оҥорон таһаарар кыахтааҕын манан көрдөрөр, бэйэтин айымньыларынан дьонун үөрдэр.
Саҥа дьыллааҕы бырааһынньыктар түмүктэнэн, симэммит харыйалары хомуйар кэм чугаһаата. Астрологтар маннык күннэргэ харыйаны хомуйары сүбэлииллэр:…
Судаарыстыбаннай Дуумаҕа дьиэ кэргэҥҥэ үһүс уонна онтон кэлэр оҕолор төрөөтөхтөрүнэ дьиэ кэргэн ипотекатын ыстаапкатын намтатар…
Бэрэсидьиэн академиятын эспиэрэ Татьяна Подольская быйыл уоппускаҕа барарга саамай барыстаах ыйдары эттэ. Кини иһитиннэрбитинэн, биэс…
Ороһуоспа бырааһынньыгар остуолга ууруллар ас-үөл дойду эрэгийиэннэринэн араастаһыан сөп эрээри, бырааһынньыгы көрсө үгүс хаһаайкалар маннык…
Ааспыт сылга Дьокуускай куорат Гагарин уокуругар ханна да суох улахан уонна аныгы тутуулаах СМАРТ-поликлиника үлэҕэ…
РФ уопсай үөрэхтээһинин бочуоттаах үлэһитэ, “СӨ үтүөлээх учуутала” бочуоттаах аат хаһаайына, Дьокуускай куорат 26‑с нүөмэрдээх…